Երբ «զոնտիկ»-ի մի կողմը պահում ես դավաճան իշխանության գլխին, մյուս ծայրը մտնում է համապատասխան տեղդ (լուսանկարներ)

ԱԺ նախկին պատգամավոր Սամվել Ալեքսանյանին մոտ մեկ շաբաթ առաջ թույլ չեն տվել մուտք գործել Մոսկվա։ Մամուլում շրջանառվող լուրերի համաձայն էլ, Ալեքսանյանի մուտքը ՌԴ փակ է՝ Հայաստանի իշխանությունների հետ ունեցած սերտ կապերի, ավելի կոնկրետ՝ ՔՊ-ին կամ իշխանական վերնախավին ակտիվ ֆինանսավորելու համար։ 

Բանն այն է, որ հայ-ռուսական հարաբերությունների վատթարացման ֆոնին, ռուսները չեն ընդունում Ալեքսանյանի քստմնելի վերաբերմունքը, մասնավորապես, փաշինյանների ընտանիքնի նկատմամբ։

Այն մասին, թե ինչպես Լֆիկ Սամոն նախկինների ձեռքի տակից շատ արագ դուրս եկավ ու դարձավ Փաշինյանի ու նրա ընտանիքի ձեռքի թաշկինակը՝ մեկ անգամ չէ, որ գրել ենք։

Դեռ հեղաշրջման օրերին Փաշինյանն «իր ախպեր» Լֆիկին «ժերտվա տվեց», ու քաղաքացիների ցասումն ուղղեց  «Երևան Սիթի» սուպերմարկետների ցանցի ապակիների ու դռների վրա։ Շատ չանցած՝ կոտրված ապակիների ու դռների գումարները հենց նույն քաղաքացիներն էլ վճարեցին՝ թանկացած ապրանքներ գնելով։ 

Այդ օրերին թեև Նիկոլը խոստացավ պատժել Լֆիկ Սամոյին, թույլ չտալ շարունակել իր մենաշնորհային դիրքը, բայց այդպես էլ ոչինչ չարվեց։

Իսկ Լֆիկի խանութներում շուտով հայտնվեցին «Նիկոլ» անունով կոնֆետներ, «Դուխով» և «Վարչապետ» մակագրությամբ օղիներ ու իրենց մեջ թաղեցին զայրույթը։

Ընդհանրապես, Լֆիկ Սամոն բիզնեսմենի այն տեսակն է, որ իշխանությանը գոհացնելու համար, ամեն ինչի ընդունակ է։ Չմոռանանք, որ դեռ հեղափոխության օրերին Լֆիկն իր թիկնապահների ջոկատը մահակներով ուղարկել էր ժողովրդի վրա․․․ իսկ այսօր նույն մահակներով պաշտպանում է Նիկոլի իշխանությունն ու դարձել է նրա անձնական դրամապանակը։

Դեռ երեկ երրորդ նախագահի ձեռքը հպարտությամբ սեղմող գործարար Սամվել Ալեքսանյանն այսօր բառիս ուղիղ իմաստով հովանոց է դարձել դավաճանության մեջ մեղադրվող  իշխանությունների համար։

Այս տեսակի համար էական չէ, որ այդ իշխանիկները վաճառել ու շարունակում են վաճառել այն երկիրը, որտեղ ինքն իր բիզնեսն է ծավալել։

Սա հիշեցնում է հայտնի «Կաղնին ու խոզը» առարկը, որտեղ խոզին հետաքրքրում է ոչ թե կաղնու չորանալը, այլն այն, որ իր փորն այդ պահին կուշտ լինի։

Դրա համար էլ կշտանում ու շարունակում է կշտացնել իր «մերձավոր» դավաճանին՝ ակամա դառնալով դավաճան (թեև կշտանալ բառը սրանց դեպքոում մի քիչ հարաբերական է)։ 

Ինչևէ․․․

Ըստ շրջանառվող լուրերի՝ նախկին պատգամավոր Սամվել Ալեքսանյանը «մուծվում է»՝ բիզնեսը պահելու և նախկին կեղծարարություններն ու հանցագործությունները ջրի երես չհանելու համար:

Փաշինյաննն էլ իր հերթին Լֆիկ Սամոյին պատկանող ձեռնարկություններին արտոնություններ է տալիս։ Ընտրողական այս վերաբերմունքը խոսում է այն մասին, որ Ալեքսանյան-Փաշինյան «բարձր մակարդակի» հարաբերությունները չափվում են միայն գումարով, որը պետական բյուջե մտնելու փոխարեն, հավանաբար, իշխանական ընտանեկան բյուջեին է ուղղվում։

Օրինակ՝ «City of smile» հիմնադրամի, միայն 2018թ.-ի նվիրատուների ամբողջական ցանկն ուսումնասիրելիս, պարզվում է, որ Ալեքսանյանների ընտանիքը (նրանց պատկանող բարեգործական հիմնադրամը) 10,000,000.00 դրամ նվիրատվություն էր կատարել: Չխոսենք  «City of smile»-ի հանգանակության տուփերի մասին, որոնք տեղադրված են «Երևան սիթի»-ի բոլոր խանութների բոլոր դրամարկղերի մոտ:

Եթե սա «մուծման» ձև չէ, ապա ի՞նչ է (թեև սա մուծման միակ ձևը չէ...)

Սամվել Ալեքսանյանի «մուծվելու» արդյունքում նրա բիզնես-գործունեության մեջ հարկայինը չի խառնվում, Փաշինյանի կինը՝  Աննան, հագնում և գովազդում է «Ալեքս տեքստիլի» զգեստները, ջրվում կամ ընդհանրապես փակվում են Ալեքսանյանի անվան հետ կապված քրեական գործերը:

Էլ չենք խոսում այն մասին, թե որքան թաքցրած աշխատատեղեր է նա ունեցել, ինչքան բրենդային խմիչքներ է կեղծել, որոնք վնաս են հասցրել մարդկանց առողջությանը, որքան փաստաթղթային կեղծարարություններ են հայտնաբերվել... Այդ ամենի մասին «հեղափոխությունից» հետո բարձրաձայնվեց, բայց ոչինչ չձեռնարկվեց: 

Սամվել Ալեքսանյանին պատկանող բիզնեսների արտոնյալ կարգավիճակի հետևանքով, դրանց մատակարարները 100%-անոց անպատժելիություն զգալով, ըստ շրջանառվող որոշ տեղեկությունների, բազմաթիվ մանրածախ օբյեկտներ ապրանք են մատակարարում առանց հաշիվ-ապրանքագրերի...

Ու այս ու շատ ուրիշ կեղծարարությունների համար պատժվելու փոխարեն, այսօր Լֆիկ Սամոն շարունակում է նոր արտոնություններ ստանալ՝ ավելի խորը մտնելով իշխանության «աչքն» ու ընկելով բարեկամ երկրից աչքից։ Կամ, կարճ ասած, մտնելով՝ ընկնում է։

Ու ստացվում է, որ երբ «զոնտիկ»-ի մի կողմը պահում ես դավաճան իշխանության գլխին ու հովանավորում նրան, մյուս ծայրը մտնում է համապատասխան տեղդ։

Արմինե Մկրտումյան