Ուսուցիչները կատեստավորվեն էլեկտրոնային եղանակով. հենց այդ պահին կտեսնեն, թե քանի հարցի են սխալ կամ ճիշտ պատասխանել
Կառավարությունն իր այսօրվա՝ հոկտեմբերի 10-ի նիստում փոփոխություններ կատարեց ուսուցիչների կամավոր ատեստավորման կարգում:
Կրթության, գիտության, մշակույթի և սպորտի նախարար` Ժաննա Անդրեասյանը՝ ներկայացնելով նախագիծը՝ նշեց. «Մեզ համար մեծ խնդիր էր, որ կամավոր ատեստավորումը կատարվում էր թղթային տարբերակով, ինչը բազմաթիվ բարդություններ եւ ժամանակային խնդիրներ էր առաջացնում ուսուցիչների համար:Փոփոխությունների այս առաջարկով ատեստավորման էլեկտրոնային եղական ենք ներդնում, ինչը նշանակում է, որ ուսուցիչները կկարողանան ատեստավորմանը մասնակցել ամբողջությամբ էլեկտրոնային եղանակով: Այս մեխանիզմով կկարողանանք էապես կրճատել ժամանակը, որը ծախսվում էր առաջադրանքները լուծելու, այնուհետեւ պատասխանները պատասխանների ձեւաթղթում նցկացնելու համար: Այստեղ նաեւ չէին բացառվում տեխնյիկական վրիպակներն ու անճշտությունները, որոնք գրանցվում էին:
Բացի դրանից, սա եւս մեկ միջոց կլինի խրախուսելու ուսուցիչների մոտ տեղեկատվական տեխնոլոգիաներից օգտվելու հմտությունները: Սա նաեւ հնարավոր կդարձնի, որ ուսուցիչը այդ պահին լրացնելով թետսը, այդ պահին ավարտելուց հետո տեսնի անեւ իր արդյունքը, եւ այդ պահին իր համար պարզ լինի՝ հարցերից քանիսին է ճիշտ պատասխանել, քանիսին՝ սխալ: Ուսուցիչ տեսնում է իր թեստի ճիշտ եւ սխալ պատասխանների թիվը, թե քանի հարցի է ճիշտ պատասխանել, քանիսին՝ սխալ: Այնուհետեւ մեկ օրվա ընթացքում արդեն ամբողջական իր թեստն է բացվում՝ իր նշած պատասխաններով, որտեղ ամեն հարցով տեսնում է իր ճիշտ կամ սխալ պատասխանը: Դրա հիման վրա նա կարող է բողոքարկել»:
Նախարարը տեղեկացրեց, որ այս պահին արդեն դիմումների ընդունումն ավարտել են. «Դիմել են ավելի քան 6 հազար թե ուսուցիչներ, թե մանկավարժի որակավորմանը համապատասխանող չաշխատող քաղաքացիներ: Մենք այս տարի նախատեսում ենք ատեստավորումն անցկացնել նոյեմբերին: Առաջին ատեստավորման գործընթացը կմեկնարկենք նոյեմբերի 9-ից»:
Իր հերթին վարչապետ Նիկոլ Փաշինյանն ասաց, որ ուսուցիչները էլի պետք է գան քննական կենտրոն, բայց հարցերին պատասխանելու են համակարգչի էկրանի վրա:
Ժաննա Անդրեասյանի խոսքով, այս համակարգը թույլ է տալիս, որ յուրաքանչյուր ուսուցչի համար գեներացվի իր առանձին թեստը, ինչը նշանակում է, որ թեստը չի կրկնվում:
Սրան կատակով արձագանքեց Նիկոլ Փաշինյանը. «Տենց շրջիկ լուրեր կան, որ երրորդ հարցի ճիշտ պատասխանը 4-րդ տարբերակն է: Իսկ հիմա երրորդ հարցի ճիշտ պատասխանը միշտ չէ, որ 4-րդ տարբերակն է»:
