Փաշինյանն իր էջում մեքենան «աճուրդի է հանել»՝ ծաղրելով՝ «հպարտ քաղաքացիներին» (լուսանկարներ)
Նիկոլ Փաշինյանը մեկնել է Շիրակի մարզ։ Նա ճանապարհին տեղադրել է տեսանյութ, որի ներքո օգտատերերը մեկնաբանություններ են թողել։ Փաշինյանն արձագանքել է դրանցից մի քանիսին։
Մասնավորապես՝ Արամ Թովմասյանը հեգնանքով գրել է․ «Բայց քո կես մլն-ոց ավտոյի տեսքն էլ վատը չի, ապրեր»։
Փաշինյանն էլ, նույն գրառման տակ, մեքենան «աճուրդի է հանել»․ «Aram Tovmasyan ջան, եթե կես միլիարդ է Դուք կարող եք 250 միլիոն դրամով գնել Կառավարությունից։ Համաձայն ե՞ք։ Կամ՝ ով կուզի»,-գրել է նա։
Մեկ այլ օգտատեր էլ արդարացիորեն նկատել է, որ ավելի լուրջ հարցադրումները Փաշինյանի կողմից այսպես արագ արձագանք չեն գտնում։ Վերջինս էլ փորձել է արդարանալ, թե ժամանակ ունի։
«Armi Van ջան հիմա այցի եմ, մեքենայի մեջ շատ ժամանակ ունեմ, կարդում եմ ինչ եք գրել։ Կներեք, որ չեմ պատասխանել:) Միշտ չի, որ ստացվում է»։
Այլ կերպ ասած, Փաշինյանն իր ազատ ժամակը սպանում է «հպարտ քաղաքացիներին» ծաղրելով, ու իր սեփական էջում մեքենայի «աճուրդ» կազմակերպելով։
Ի դեպ, սա այն երկրի վարչապետն է, որը պատերազմ է տանուլ տվել, հազարավոր զոհեր տվել, թշնամուն տարածքներ է հանձնել ու հիմա էլ կանգնած է պատերազմի շեմին։
Ներկայացնում ենք Փաշինյանի գրառումը և մեկնաբանությունները, որոնց նա արձագանքել է։
Արմինե Մկրտումյան
