966 մլն դրամ է հատկացվել Կապանի համայնքապետարանի շենքի, կից նոր մասնաշենքի կառուցման համար
Հոկտեմբերի 22-ին Սյունիքի մարզպետի խորհրդական Կարեն Բալյանը մարզպետի աշխատակազմի Քաղաքաշինության, հողաշինության և ենթակառուցվածքների կառավարման վարչության ու համայնքապետարանի պատասխանատուների հետ այցելել է Կապանում սուբվենցիոն ծրագրերի շրջանակում մեկնարկած ու ընթացքի մեջ գտնվող կամ ավարտված շինաշխատանքների օբյեկտներ, դիտարկել աշխատանքների ընթացքն ու որակը։ Հայտնում են մարզպետարանի մամուլի ծառայությունից։
2023 թվականի սուբվենցիոն ծրագրով ուժեղացվում, վերակառուցվում է Կապանի համայնքապետարանի շենքը, կառուցվում նրան կից նոր մասնաշենք։
Ծրագրի ընդհանուր արժեքը՝ 966 մլն դրամ է, որում ՀՀ պետբյուջեից համաֆինանսավորման չափը՝ 584 մլն 272 հազար դրամ։
Կապալառու՝ «Կապանի նորոգշին» ՍՊԸ։
Մինչ այժմ իրականացվել է նախատեսված աշխատանքների մոտ 60 տոկոսը, աշխատանքների ավարտը նախատեսված է 2025 թվականին։
Մեկ այլ ծրագրով, որ մեկնարկել է 2023 թվականից, հիմնանորոգվում է Կապան քաղաքի թիվ 2 ՆՈՒՀ-ը, բարեկարգվում տարածքը։
Ծրագրի ընդհանուր արժեքը 461 մլն 146 հազար դրամ է, որում ՀՀ պետբյուջեից համաֆինանսավորման չափը՝ 380 մլն 697 հազար դրամ։
Կապալառու՝ «ԳՕԼԴՇԻՆ» ՍՊԸ։
Այստեղ աշխատանքները կատարվել են մոտ 60 տոկոսով։
Ամբողջովին ավարտվել են Կապան քաղաքի բազմաբնակարան բնակելի շենքերի լանջավոր և հարթ տանիքների (Դավիթ Բեկ 10, Բաղաբերդ 2, Ձորք 8, Երկաթուղայինների 7) նորոգման աշխատանքները, որ մեկնարկել էին 2022 թվականից։
Ծրագրի ընդհանուր արժեքը 95 մլն 268 հազար դրամ է, որում ՀՀ պետբյուջեից համաֆինանսավորման չափը՝ 58 մլն 101 հազար դրամ։
Կապալառու՝ «Արշ-Արա» ՍՊԸ։
Սուբվենցիոն ծրագրերն իրականացվում են կառավարություն - համայնք համաֆինանսավորմամբ։
