«Տաքսի քշելով՝ ընտանիքս եմ պահում»․ 4 երեխայի հայրը պնդում է՝ պարեկները տուգանել են ամրագոտու համար՝ զրկելով վկայականի վերջին բալից․ մինչդեռ ամրագոտին կապած է եղել (լուսանկար)
Արցախից բռնի տեղահանված Հարություն Արզումանյանն ահազանգում է՝ պարեկների «կամայականության» հետևանքով զրկվել է վարորդական իրավունքից։ NEWSPRESS.am-ի հետ զրույցում Արզումանյանը պատմեց, տեղահանվելուց հետո հաստատվել է Երևանում ու սկսել «Yandex taxi» վարել՝ ընտանիքը պահելու համար։
«Չորս երեխա ունեմ, պետք է պահեմ ընտանիքս»,- ասաց Հարություն Արզումանյանը։
Նա պատմեց, որ գիշերը ժամը 4-ին ուղևորին հիվանդանոց տանելիս է եղել, երբ Ռայկոմում նրան կանգնեցրել են պարեկները։
Հարությունը բացատրել է կին պարեկին, որ մեքենայում պատվիրատու ունի, ում հիվանդանոց է տեղափոխում։ Վերջինս էլ ասել է, թե՝ փաստաթղթերի ստուգում է։ Սակայն բոլոր փաստաթղթերն ստուգելուց հետո էլ դեռ ժամանակ է ձգել։ Երբ Հարություն Արզումանյանը կրկին նրան հիշեցրել է պատվիրատուի մասին ու խնդրել մի քիչ արագացնել, վերջինս ասել է, թե վարորդը մեքենան վարել է առանց ամրագոտին կապելու։
Հարությունն առարկել է ու պնդել, որ ինքը եղել է ամրագոտով ու, եթե հարկավոր է, դա կարող է փաստել նաև իր ուղևորը։
«Փաստաթղթերս վերցրեցի պարեկի ձեռքից․ էդ ժամանակ էն կողքի տղամարդ պարեկը դուրս եկավ մեքենայից ու թե՝ էս ի՞նչ վերաբերմունք է։ Ասի՝ բա ձե՞ր կողմից ինչ վերաբերմունք է՝ կապել եմ ամրագոտին, ասում եք՝ չես կապել։ Պարեկը մուննաթով ասաց՝ կարաս բողոքարկես։ Ասի՝ խնդրում եմ՝ մուննաթով մի խոսեք։ Ասաց՝ էդ Ղարաբաղի՞ց ես, ասի՝ հա»,- պատմեց մեր զրուցակիցը և նշեց, որ տուգանքն այնուամենայիվ գրել են, որի ներքո ինքը չի ստորագրել։
Հարություն Արզումանյանը թեև անմիջապես բողոքարկել է, սակայն 1 շաբաթ այդպես էլ որևէ ծանուցում, պատասխան չստանալուց հետո պարզել է, որ իրեն արդեն զրկել են վարորդական իրավունքից։
«Ես չեմ կարա առանց քշելու, ես ընտանիք եմ պահում, ես 4 երեխա ունեմ, ո՞նց կարամ չքշեմ»,- ասաց մեր զրուցակիցը՝ հավելելով, որ կապացուցի, որ ինքը խախտում չի արել ու կվերականգնի վերջին բալը։
Նա նշեց, որ նոյեմբերի 22-ին արդեն նոր բալեր պետք է ստանար, մինչդեռ, իր խոսքով, պարեկների կամայականության հետևանքով զրկվում է այդ հնարավորությունից ու, առհասարակ, մեքենա վարելու իրավունքից։
Արմինե Մկրտումյան
Հիշեցնենք, որ յուրաքանչյուր վարորդի մեկ տարվա համար տրամադրվում է 9 բալ, որոնք սպառելուց հետո վարորդը կարող է կորցնել վարորդական իրավունքը 6 ամսով։ Վարելու իրավունքի կասեցման ժամկետը լրանալուց հետո` մեկ տարվա ընթացքում, կրկին նման խախտումներ կատարելու հետևանքով վարորդը տրանսպորտային միջոցներ վարելու իրավունքից զրկվում է 1 տարի ժամկետով:
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
Արա, խփո՞ւմ ես մարդկանց. քաղաքապետարանում «մարտ առանց կանոնների» է (տեսանյութ)
Ուկրաինան շարունակում է անօդաչուներով հարվածել Մոսկվային
