Աննա Հակոբյանի օգնականը թուրքական ծագում ունի․ նրա հայրը թուրք է․ NEWSPRESS-ին հայտնի են դարձել Թալին Թօփալաքեանի կենսագրության որոշ մանրամասներ

Այն, որ Նիկոլ Փաշինյանի տիկին Աննա Հակոբյանը թուրքերի նկատմամբ հատուկ համակրանք ու սեր ունի, արդեն մեկ անգամ չէ, որ խոսվել է։ Գուցե դա է պատճառը, որ թուրքական ծագում ունեցողները շատ արագ գտնում են նրան, համախմբվում շուրջը և իրենց «պատվավոր հորիզոնականը» զբաղեցնում տիկնոջ կյանքում ու նրա գործունեության մեջ։

Աննա Հակոբյանի ղեկավարած «Իմ Քայլը» հիմնադրամում այդպիսի մեկը դարձել է նրա աջ թևն ու հենարանը։

Խոսքը հիմնադրամի ծրագրերի և արտաքին կապերի գծով փոխտնօրեն Թալին Թօփալաքեանի մասին է, ում կենսագրությունից որոշ մանրամասներ են հայտնի դարձել։ 

Այս տիկնոջ կենսագրականը հազիվ թե որևէ մեկին հասանելի լինի, սակայն  NEWSPRESS.am-ին հայտնի է դարձել, որ Թալին Թօփալաքեանը թուրքական ծագում ունի։ 

Վերը տեղադրված նկարում թերևս նրան ոմանք անմիջապես չճանաչեն, այդ իսկ պատճառով միանգամից ասենք, որ Թալին Թօփալաքեանը շատերին հայտնի դարձավ Աննա Հակոբյանի տեղադրած մի տեսանյութից հետո, որտեղ Հակոբյանն ու նրա օգնականն, աղավաղելով ու ոչնչացնելով մեղեդին, փորձում էին երգել (Աստված մեղք չհամարի երգել բառի համար) «Երևան դարձած իմ Էրեբունի» երգը:

Մի խոսքով` չչարաշահելով մեր ընթերցողի համբերությունը, վերադառնանք մեր թրքուհուն, իսկ ավելի կոնկրետ՝ նրա կենսագրական որոշ չգրված հատվածների։

Եվ այսպես, NEWSPRESS.am-ի տեղեկություններով, Թալին Թօփալաքեանի հայրն ազգությամբ թուրք է՝ Անուառ Ադոլֆ Թուրքմեն անունով։ Նրան մտերիմները կարճ ասում են Ռիլլի։ Նա արմատներով Թուրքիայից է, սակայն հետագայում ընտանիք է կազմել հայուհի Նելսոնյանի հետ։

Այս միության արդյունքում էլ ծնվել են Թալինը և նրա եղբայրը՝ Թոնի Թուրքմենը։

Մեր աղբյուրի փոխանցմամբ` Թոնի Թուրքմենը ևս Հայաստանում է։ Հավանաբար, քույրն իր թուրք եղբորը Հայաստանում «ապագա» է խոստացել։

Թե ինչպես եղավ, որ Թալին Թուրքմենը հայի ազգանուն ձեռք բերեց, դա էլ իր պատմությունն ունի։

Մեր տեղեկություններով` Հալեպում բնակություն հաստատած թուրք Ռիլլի ընտանիքի դուստր Թալինն ամուսնանում է հայազգի տղամարդու հետ, վերցնում նրա ազգանունը։ Այս միության արդյունքում ծնվում են երեխաներ։ Թե ինչու և ինչպես է պատահում, որ մի օր Թալին Թօփալաքեանը Հալեպից ճողոպրում է Հայաստան, դա էլ մեկ այլ պատմություն է, որին մենք չենք անդրադառնա՝ չներխուժելով ամուսնական անկողնու մեջ, կամ ինչպես դասականը կասեր՝ չմտնելով մատի ու մատանու արանքը։

Մի օր հնարավոր է Թալինն ինքը պատմի այդ մասին, եթե իհարկե համարձակությունը ների։

Ամեն դեպքում, մեր հավաստի աղբյուրների տեղեկացմամբ, արդեն 3 տարի Թօփալաքեանն ամուսնալուծված է և ապրում է Հայաստանում, թեև ֆեյսբուքյան էջում նրա կարգավիճակը նշված է որպես ամուսնացած։

Գիտի՞ Աննա Հակոբյանն իր օգնականի կենսագրության մութ անկյունները,  թե՞ ոչ, կարելի է միայն գուշակություններ անել, սակայն կարելի է կանխատեսել, թե ինչ կարող է լինել, երբ նման կենսագրական տվյալներով թրքուհին Հայաստան է գալիս, ո´չ ավել, ո´չ պակաս, հայտնվում երկրի ղեկավարի կնոջ կողքին ու դառնում նրա վստահելի անձը։

 Հ.Գ. NEWSPRESS.am-ը պատրաստ է ներկայացնել նաև Թալին Թօփալաքեանի տեսակետը, պարզաբանումը կամ հերքումը։

Արմինե Մկրտումյան