Վանոյի Արտակը փորձել է փրկել ունեցվածքը՝ գույքը գրանցելով կնոջ անունով ու կեղծ ամուսնալուծություն ձևակերպելով

«Ո՞վ է Վանոյի Արտակը»՝ հարցի պատասխանը թերևս շատ քչերը կարող են տալ, կամ գրեթե ոչ ոք։

Այն, ինչ կարելի է իմանալ google-որոնման արդյունքում Արտակի մասին, բավարար է հասկանալու համար, թե ով կարող է լինել նա... 

Գալստյանը մի քանի անգամ հայտնվել է աղմկալի պատմությունների կիզակետում, ՀՔԾ կողմից մեղադրվել է առանձնապես խոշոր չափի շորթման մեջ և կալանավորվել...

Այնպես որ, ինքն իրեն իրավապաշտպան հռչակած այս մարդը մեծագույն իրավախախտ է:

Ըստ որոշ հրապարակումների՝ Վանոյի Արտակն իրականում մի լոմբարդատեր վաշխառու է, ով զբաղվել է մարդկանց ունեզրկմամբ, նրանցից խլել տներ, բացել է կայքեր («Crime news» և այլն), որոնց միջոցով վարկաբեկել է մարդկանց, ենթարկել շանտաժի, դրամաշորթությամբ զբաղվել:

Որոշ աղբյուրների համաձայն էլ՝ Վանոյի Արտակն ու փաստաբան Սուսաննա Սարգսյանը, ով այսօր ևս ընդգրկվել էր կուսակցության ցուցակում, հետո ձերբակալվել կեղծարարության համար, գործել են միասին ու անգամ խաբել այն ծնողներին, որոնց երեխաներին, ինչպես ասում են, ապօրինաբար վաճառել են (խոսքը՝ Ռազմիկ Աբրահամյանի կողմից երեխաների վաճառքով զբաղվելու վերաբերյալ աղմկահարույց գործերի մասին է. մայրերը փորձել էին սեփական շահերը պաշտպանել, մասնավորապես, նույն Սուսաննա Սարգսյանի օգնությամբ, սակայն խաբվել էին):

Վանոյի Արտակի «անազնիվ գործունեությունների» մասին շրջանառվող լուրերը շատ են։ Ու թեև նա տևական ժամանակ փորձում էր սիրաշահել իշխանությանն ու զերծ մնալ հնարավոր կալանավորումներից, սակայն թերևս ինչ-որ պահի վրիպել է ու ընկել իշխանության թակարդը։

Այս որակի մարդիկ, շահարկելով երկրում առկա իրավիճակը, ամպագոռգոռ հայտարարություններով փորձում են գալ իշխանության ոչ թե երկիրը, այլ սեփական հետույքն ու ունեցվածքը փրկելու համար։

Հարկ է նկատել, որ Արտակ Գալստյանի անունով գրանցված է ընդամենը  Երևան քաղաքի Մալաթիա-Սեբաստիա Ս. Մարտիկյան փողոց նրբանցք 1/2 բնակելի տունը։ Հիմնական ունեցվածքը նրա կնոջ անունով է։

Շրջանառվող լուրերի համաձայն էլ ` Վանոյի Արտակը կեղծ ամուսնալուծություն է գրանցել՝ գույքը փրկելու համար։

NEWSPRESS.am-ն իրավապահների ուշադրությունն է հրավիրում Արտակ Գալստյանի կեղծ ամուսնալուծության փաստին։ Այդ մասով պետք է անհապաղ քրեական գործ հարուցվի, քանի որ, հավանաբար, դա արվել է առանձնապես խոշոր չափի գույքերի հափշտակման և տիրացման փաստերը թաքցնելու նպատակով։

Հասկանալու համար, թե ինչ ունեցվածքի մասին է խոսքը, բավական է նայել, թե ինչ գույք է հայտարարագրված Արտակ Գալստյանի կնոջ, որդու և եղբոր անունով։

Պետք չէ լինել այնքան միամիտ, որ կարծիք ստեղծենք, թե, օրինակ, նրա կնոջ կամ որդու, եկամուտն իրականում թույլ է տալիս այդքան գույք ձեռք բերել։

Եվ այսպես․․․․

Արտակ Գալստյանի կնոջ՝ Վեներա Ֆարոսի Գալստյանի անվամբ հաշվառված են հետևյալ գույքերը.

1․  «NISSAN X-TRAIL SL PLATINIUM 2.5L» մակնիշի 37 RP 688 համարանիշի ավտոմեքենան:

2․ «SKODA OCTAVIA TOUR 1.4» մակնիշի 37QC 924 համարանիշի ավտոմեքենան:

3․  «SKODA OCTAVIA TOUR 1.4» մակնիշի 37QC265 համարանիշի ավտոմեքենան:

4․  «ACURA MDX-3.7» մակնիշի 37 OX587 համարանիշի ավտոմեքենան:

5․  «BMW 116 I» մակնիշի 37 OC831 համարանիշի ավտոմեքենան:

6․  «LEXUS RX 350» մակնիշի 50 AA 006 համարանիշի ավտոմեքենան:

7․ Կոտայքի մարզի Ջրվեժ համայնքի Ջրվեժ գյուղի 5-րդ փողոցի 6 հասցեի հողամասը և բնակելի տունը:

8․ Երևան քաղաքի Քանաքեռ- Զեյթուն Քանաքեռցու փողոցի 129/3 շենքի 48 բնակարանը և նույն շենքի նկուղը:

9․ Երևան քաղաքի Նոր-Նորքի Մոլդովական փողոցի 43 շենքի 8 բնակարանը:

10․ Երևան քաղաքի Նոր-Նորքի Մոլդովական փողոցի 43 շենքի 32 բնակարանը:

11․ Կոտայքի մարզի Աբովյան համայնքի Առինջ գյուղի Աբովյան թաղամասի 2-րդ փողոցի 43 բնակելի տունը:

12․ Երևան քաղաքի Նոր-Նորքի Մոլդովական փողոցի 43 շենքի 46 բնակարանը:

13․ Երևան քաղաքի Նոր Նորքի Լվովյան փողոցի 10 շենքի 16 ավտոկայանատեղին:

Արտակ Գալստյանի որդու՝ Հայկ Արտակի Գալստյանի անվամբ, գրանցված են հետևյալ գույքերը։

1․ Երևան քաղաքի Նոր Նորք Հ.Գյուրջյան փողոցի 11 շենքի 33 բնակարանը:

2․ Կոտայքի մարզի Աբովյան համայնքի Առինջ գյուղի Տանձանոց 2-րդ փողոցի 49 հողամասը:

3․ Կոտայքի մարզի Աբովյան համայնքի Առինջ գյուղի Աբովյան թաղամասի 2-րդ փողոցի 43/1 բնակելի տունը:

Արտակ Գալստյանի եղբոր՝ Գագիկ Գավրուշայի Գալստյանի անվամբ հաշվառված է

1․ Երևան քաղաքի Նոր Նորք Հ.Գյուլիքևխյան փողոց նրբանցք 4-րդ շենքի 54 բնակարանը/ ընդհանուր համատեղ սեփականություն/:

2․ Երևան քաղաքի Նոր Նորք Ա.Բակունցի փողոց 2-րդ նրբանցք 6-րդ շենքի 45 բնակարանը/ սեփականություն/:

3․ Երևան քաղաքի Նոր Նորք Հ.Գյուլիքևխյան փողոց նրբանցք 4-րդ շենքի 75 խանութը /ընդհանուր համատեղ սեփականություն/:

4․ Կոտայքի մարզի Նոր Հաճն համայնքի գյուղ Արգել 22-րդ փողոցի 2-րդ նրբանցքի թիվ 1 այգետնակը /ընդհանուր բաժնային սեփականություն

5․ Երևան քաղաքի Նոր Նորք Բագրևանդ թաղամասի 51 շենքի 4-րդ մասնաշենքի նախագծային թիվ 4 բնակարանի անշարժ գույքի գնելու իրավունքը:

Արմինե Մկրտումյան