ՊՆ ուղղված երդրումները միտված են նպատակի՝ ունենալ մարտունակ բանակ, որն ունակ կլինի կպաշտպանելու ՀՀ 29743 քառ․ կմ տարածքը․ Պապիկյան

2025 թվականի պետական բյուջեից ՀՀ պաշտպանության նախարարությանը կհատկացվի 664 միլիարդ 653 միլիոն 454 հազար դրամ։ ԱԺ-ում այս մասին հայտարարեց Պաշտպանության նախարար Սուրեն Պապիկյանը:

«Գայթակղությունը մեծ է համեմատական տանել նախորդ տարիների պաշտպանական բյուջեների ու 2025 թվականի միջև, բայց ես հիմա այդ դաշտ չեմ մտնի, կխնդրեմ ցուցանիշներին ինքներդ հետևեք ու դատողություններ անեք»,- ասաց նա:

Նախարարի խոսքով` ՀՀ զինված ուժերում արմատական բարեփոխումների իրականացման հիմնական ուղենիշների սահմանման նպատակով մշակվել ու Անվտանգության խորհրդի որոշմամբ հավանության է արժանացել «Բանակի կերպափոխման հայեցակարգ»-ը:

Սուրեն Պապիկյանն ասաց, թե առանցքային է մնում ՀՀ զինված ուժերը կիրթ ու բանիմաց կադրերով համալրելու քաղաքականությունը:

Պաշտպանության նախարարի խոսքով` պարտադիր ժամկետային զինծառայությունը շարունակելու է Հայաստանում գոյություն ունենալ, որը հանդիսանալու է ռեսուրս, որպեսզի համալրվեն պրոֆեսիոնալ բանակի շարքերը:

«ՀՀ բանակում կատարվող բարեփոխումները, ծախսերն ու ներդրումները միտված են մեկ կարևոր նպատակի՝ ունենալ արհեստավարժ, մարտունակ բանակ, որն ունակ կլինի կպաշտպանի ՀՀ 29743 ք/կմ տարածքը սուվերեն»,- ասաց նա: