Ըստ Ռուբինյանի մտահորիզոնի՝ ընդդիմությունը բողոքում է վարչապետը թիկնապահներից, քանի որ ուզում է մահափորձը հեշտ իրականացնի

Ազգային ժողովի փոխնախագահ Ռուբեն Ռուբինյանի կարծիքով` իր սիրելի ժողվարչապետի նկատմամբ դաշնակցությունը փորձում է մահափորձ իրականացնել։ Աղճատելով ու աղավաղելով ընդդիմադիրների խոսքը՝ կապված Փաշինյանի թիկնապահներ ունենալ-չունենալու հետ, Ռուբինյանը փորձեց մանիպուլյացիայի ենթարկել ԱԺ նիստին հետևող հասարակությանը՝ ասելով, թե Հայ հեղափոխական դաշնակցությունը բողոքում է, որ վարչապետը, ԱԺ նախագահը թիկնապահներ ունեն, որովհետև «ուզում են, որ հաջորդ մահափորձն ավելի հեշտ իրականացնեն»։

Ըստ Ռուբինյանի կարճ մտահորիզոնի՝ միակ տրամաբանական բացատրությունը սա է։

Նա իր ելույթի ժամանակ հիշեցրեց նախկինում տեղի ունեցած մահափորձերի մասին, որոնք, նրա խոսքով, կատարել էին նախկին դաշնակցականներ։

«Աղվան Վարդանյանը կվկայի՝ դաշնակցականը մեկ-մեկ նախկին չի լինում»,- ասաց ԱԺ փոխնախագահը։

Նա ՀՅԴ-ականներին հորդորեց խոսել նաև Ռոբերտ Քոչարյանի թիկնապահների մասին։

«Ինչո՞ւ, սիրելի գործընկերներ, չեք գնում ու ձեր քաղաքական ղեկավարին ասում՝ «պարոն Քոչարյան, եկեք դուք, ամեն դեպքում, մի ունեցեք թիկնապահ, մարդ ես, կարող է մեկիս տա, անդազահան անի»։ Սա նրա համար եմ ասում, որ դուք դեմագոգիայում էլ տաղանդ չունեք»,- ասաց Ռուբինյանը։