Հաջողակ մարդիկ գիտեն ժամանակի կառավարման մասին. Ավետիս Աղաբեկյան

Ավետիս Աղաբեկյանը գրում է. 

«Ժամանակը միակ ռեսուրսն է,
որը բոլորն ունեն առանց բացառության:
Տարբերությունը միայն այն է,
թե ինչպես է օգտագործվում այդ ժամանակը:

Գլեբ Արխանգելսկ
 
Հաջողակ մարդիկ ժամանակի մասին չեն մտածում այդքան շատ։ Փոխարենը նրանք մտածում են արժեքների, առաջնահերթությունների և սովորությունների մասին։ Հաջողակ մարդիկ այլ կերպ են ընկալում ժամանակը․ նրանց համար ժամանակը ամենաթանկ կապիտալն է, քանի որ դուք չեք կարող գնել ժամանակը, վարձակալել այն կամ պարտքով վերցնել մեկ ուրիշից։ Կարևորը նպատակն է, պլանը, թե ինչպես ստեղծել բիզնես։
Եթե ունենք որևէ գաղափար, որը կարծում ենք կարող է աշխատող լինել և մեզ շահույթ բերել, պետք է սկսենք մանրամասն ուսումնասիրել այդ ոլորտը, տվյալ ոլորտի պատմությունը։ Այսինքն առաջին քայլը ոլորտի մանրամասն ուսումնասիրությունն է:

Հաջողակ մարդկանց 5 սովորույթները

1. Եղիր պրոակտիվ

Պրոակտիվ մարդիկ կենտրոնանում են ոչ թե խնդիրների, այլ լուծումների և հնարավորությունների վրա

2. Առաջնահերթությունները դիր առաջին տեղում 

Այս սովորությունը մեր մեջ կզարգացնի արդյունավետ ինքնակառավարում, որը հիմնված է ժամանակի խելամիտ օգտագործման վրա։ Այս տեսնակյունից մեր անելիքները կարելի է խմբավորել ըստ կարևորության և հրատապության։ Պետք է սովորել ասել «ոչ» անկարևոր և ոչ հրատապ անելիքներին։

3. Ձգտիր փոխշահավետության

Համաձայն այս սովորույթի՝ կյանքը համագործակցություն է, ոչ թե մրցակցություն։ Բացի «իմ հաղթանակից» և «քո հաղթանակից», գոյություն ունի նաև երրորդ տարբերակը՝ «բոլորիս հաղթանակը»։ 

4. Ծրագրիր ու կազմակերպիր

Հաջողակ մարդիկ հաճախ կիրառում են շաբաթական կամ ամսական պլաններ, որոնք օգնում են նրանց կազմակերպել իրենց օրակարգը։ Նրանք գրանցում են իրենց նպատակները և առաջադրանքները, որպեսզի մշտապես իմանան, թե ինչ պետք է անեն և երբ։

5. Պետք է ավարտել մեկ գործը հետո անցնել մյուսին

Պետք է հիշել, որ օրվա վերջում ավարտված մեկ գործն ավելի լավ է, քան երկու անավարտը:Պետք է մոռանալ վաղվա մասին: Ժամանակի վատնումը բացասական ազդեցություն է թողնում ժամանակի կառավարման ճիշտ կազմակերպման վրա:
 
Այսպիսով, եթե կյանքը դիտարկենք որպես մի տեսակ ճանապարհորդություն, ապա այս փուլում որոշվում է, թե «Ինչպես գնալ» հարցի պատասխանն է։ Սա ժամանակի կառավարումն է բառի բուն իմաստով։

Հիշենք, որ ժամանակի ճիշտ օգտագործումը կարող է ձևավորել մեր ապագան, իսկ ամեն մի հաջողակ պատմություն սկսվում է մի պարզ, սակայն կարևոր քայլից՝ նպատակներ ունենալուց և դրանց համար ժամանակի ճիշտ պլանավորումից»: