Հայ-ռուսական հարաբերությունները հոգեվարքի մեջ են. վերլուծաբան

«Գաղտնիք չի, որ Հայաստանի իշխանությունները և Նիկոլ Փաշինյանը հայկական հասարակության մեջ ներդրել են ադրբեջանական նարատիվներ»։ Երևանում ընթացող «Գլոբալ անվտանգություն և աշխարհաքաղաքական մարտահրավերներ» թեմայով միջազգային համաժողովում լրագրողների հետ զրույցում ասաց «Վերելք» տեղեկատվական-վերլուծական կենտրոնի քաղաքական մեկնաբան Հայկ Խալաթյանը։

Նրա խոսքով փորձ է արվել լեգիտիմացնել Ադրբեջանի հնարավոր գործողությունները Հայաստանի դեմ։

«Հաշի առնելով որ Հայաստանի իշխանությունները որդեգրել են քաղաքականութուն՝ խաղաղություն ցանկացած գնով, այն իր տրամաբանական ավարտին հասցնելու համար հայ հասարակությանն ամեն կերպ փորձում են համոզել, որ Ադրբեջանին, Թուրքիան գնալ զիջումների»,- ասաց վերլուծաբանը։

Ինչ վերաբերվում է հայ-ռուսական հարաբերությունների, ապա, ըստ Խալաթյանի, դրանք գործընկերայինիւց վերածվել ն շուկայական հարաբերությունների։

«Կարելի է ասել հայ-ռուսական հարաբերությունները հոգեվարքի մեջ են, բոլորս, հատկապես Մոսկվայում սպասում են, թե այս փուլն ինչպես է ավարտվելու և ինչ կետից է սկսվելու հարաբերությունները՝ նախկինի պես դաշնակցային հարաբերություննե՞ր, թե՞ գործընկերային, կարելի  ասել շուկայական հարաբերություններ, կամ էլ Հայաստանը դիտարկեն ոչ բարեկամ երկիր՝ իր հետ կապված հետևանքներով այն դեպքում, եթե Հայաստանը դառնում է գործիք ՌԴ դեմ Արևմուտքի ձեռքում»,-ասաց վերլուծաբանը։