Ադրբեջանում ռազմական փորձագետ է կալանավորել՝ Հայաստանի հետ սահմանին ադրբեջանական զինված ուժերի տեղակայման վայրերը նկարահանելու համար

Ադրբեջանում ձերբակալվել է ռազմական փորձագետ Ադալաթ Վերդիևը՝ մեդիաշրջագայության ժամանակ Հայաստանի հետ սահմանին ադրբեջանական զինված ուժերի տեղակայման վայրերը նկարահանելու համար։ Այդ մասին հաղորդագրություն է տարածել Ադրբեջանի դատախազությունը։

Ըստ պաշտոնական հաղորդագրության՝ Ադալաթ Վերդիևը որպես ռազմական փորձագետ նոյեմբերի 22-ին մասնակցել է օկուպացված տարածքներում կազմակերպված մեդիաշրջագայությանը։ Մամուլի մոնիտրոինգի ժամանակ պարզել են, որ այցի ժամանակ նա տեսանկարահանել է այն բարձունքները, որոնց վրա գտնվում են մարտական դիրքերը, տեղակայված են Ադրբեջանի զինված ուժերը, սահմանապահ զորքերը, նրանց կոորդինատները և օպերատիվ իրավիճակը և իր մեկնաբանություններով հրապարակել նշված տեսանյութը։

Նշվում է, որ տեսանյութը հրապարակվել է սոցիալական ցանցի փորձագետի էջում՝ չսհմանափակելով տեսանելիությունը, այսինքն՝ հասանելիություն է ունեցել անսահմանափակ թվով մարդ, ինչով, ըստ Ադրբեջանի դատախազության, վնաս է հասցվել է Ադրբեջանի անվտանգությանն ու պաշտպանությանը։

Փորձագետին մեղադրանք է առաջադրվել երկու հոդվածով՝ պետական գաղտնիքի հրապարակելու և Պաշտոնեական լիազորությունների չարաշահելու համար, որը հանգեցրել է ծանր հետևանքների։ Նրա նկատմամբ որպես խափանման միջոց է ընտրվել կալանավորումը։