Յուրաքանչյուր քաղաքական գործիչ պետք է ունենա քաղաքական պատասխանատվություն՝ իր քաղաքական վարքագծի համար․ Վարդանյանը՝ պաշտոնանկությունների մասին

ՔՊ-ական Վլադիմիր Վարդանյանը ըստ էության չպատասխանեց հարցին, թե՝ երբ վարչապետը խնդրում է պատգամավորին մանդատը վայր դնել, արդյոք դա հակասահմանադրական չէ՞։ Նա նշեց, որ քաղաքական թիմում կան քաղաքական պատասախանատվության էլեմենտ և ներթիմային հարցերում քաղաքական պատասխանատվությունը պետք է տարբերել իրավական պատասխանատվությունից։

«Առաջադրումներ, պաշտոնանկումներ կամ տեղից-տեղ տեղափոխումներ անելիս պետք է որոշակի կանոներ գործեր, որոնք քաղաքական են․ այսքանը»,-ասաց նա։

Հարցին, որ եթե իր մասնակցությամբ միջադեպ լինի ու վարչապետը խնդրի մանդատը վայր դնել՝ ինչպե՞ս կվարվի նա, պատգամավորը նշեց, որ իր պարագայում խնդիրն ավելի հստակ է։

«Յուրաքանչյուր քաղաքական գործիչ պետք է ունենա քաղաքական պատասխանատվություն՝ իր քաղաքական վարքագծի համար։ Յուրաքանչյուր պատգամավոր առաջնորդվում է իր տված երդմամբ, խղճով, համոզմունքներով և օրենսդրությամբ»»,-ասաց նա։

Վլադիմիր Վարդանյանը հավեց, որ չի ուզում խոսել իր քաղաքական թիմի ներկայացուցչի վարքագծի մասին;