Հաջողություններիս գլխավոր դերակատարը. ադրբեջանցուն հաղթած Ռուսլան Ասլիկյանն՝ իր մարզիչ Արթուր Թովմասյանի մասին

Բռնցքամարտում հարվածները պետք է լինեն նպատակային ու ժամանակի ճշտությամբ։ Սա գրված ու միաժամանակ չգրված օրենք է, որը պահում են բռնցքամարտիկները։ Հայ անվանի բռնցքամարտիկ Արթուր Թովմասյանը, ով մշտապես նվաճել է հաղթանակներ ու բազում ուրախալի պահեր պարգևել սեփական ազգին հիմա էլ շարունակում է մարզչական իր կարիերիան, պատրաստելով այդ սպորտաձևի լավագույն սաներին։ Նրանց շարքին է դասվում Ռուսլան Ասլիկյանը, ով  2023 տարվա լավագույն մարզիկ  է ճանաչվել։ Ասլիկյանը Եվրոպայի և աշխարհի առաջնությունների և գավաթի խաղարկությանը բարձր նվաճումներ ունենալու համար արժանացել է պատվոգրի, միջազգային սպորտի վարպետի կոչման։

Մոնտենեգրոյի Բուդդա քաղաքում կայացած բռնցքամարտի Եվրոպայի առաջնությունում մեր երկրի մարզիկները նվաճեցին վեց մեդալ, երկու ոսկե, մեկ արծաթ, և երեք բրոնզ։
Խոշոր հաղթանակ է եղել նաև Ռուսլան Ասլիկյանի կողմից տարած հաղթանակը ընդդեմ ադրբեջանցի մարզիկ Ազրաք Բաբիրովի։

Ռուսլանն անկեղծացել էր հարցազրույցներից մեկում, ասելով,որ մեծ լարվածություն կար, քանի որ հակառակորդը ադրբեջանցի էր, և հենց դա ստիպեց իրեն,որ որ լավ մենամարտ ցույց տա։ «Հաղթանակս նվիրեցի բոլոր հերոսների վառ հիշատակին,և աննկարագրելի զգացողություններ ապրեցի»,– այդ ժամանակ ասել էր Ռուսլան Ասլիկյանը։ Հռչակավոր է նաև Ռաֆայել Հովհաննիսյանի հաղթանակները։ Պատվավոր հորիզոնականներն ու առաջընթացը այս ոլորտում, որը ևս մարզիչի ձեռագիրն է։
Հայկական բռնցքամարտը զարգացնելու նրա ծրագրերը մեծ գնահատականի են արժանացել։ Միաժամանակ Ասլիկյանը մշտապես շեշտել ու խորն ակնածանքով է խոսել իր ուսուցչի՝ Արթուր Թովմասյանի մասին, նշելով, որ իր այսօրվա հաջողությունների գլխավոր դերակատարը եղել է իր մարզիչը, որից սովորել ու շարունակում է սովորել մարտարվեստի նրբությունները։

Մշտապես հավատալ սեփական հնարավորություններին և տեղի չտալ նյարդերին։ Մարդկային ուժն ու ճարպկությունը արտացոլող այս մարզաձևը դարերի պատմություն ունի և իր ուրույն տեղն է գրավում համաշխարհային սպորտի ընտանիքում: 1920 թվականից այն համարվում է ժամանակակից օլիմպիական խաղերի մարզաձև:

Այս յուրահատուկ մարզաձևում Հայասատանը բազմաթիվ չեմպիոններ է տվել, իսկ բռնցքամարտի հայկական դպրոցը երկար տարիներ շատերի համար եղել է օրինակելի:        

Մերի Հակոբյան