ԸՕ-ն իշխանական «թայֆա»-ի կյանքը երկարաձգելու հաշվարկ է

«Ընտրական օրենսգիրքը հաշվարկ է` իշխանական թայֆայի կյանքը երկարձգելու համար»,-newspress.am-ի հետ զրույցում ասաց «Հայազն» կուսկացության վարչության անդամ Արմեն Մկրտչյանն` հավելով, որ Սերժ Սարգսյանի նախաձեռնած ներքին հեղափոխությունը այսպիսով տապալվում է . Սերժ Սարգսյանի առաջ քաշած նոր սերնդի վզին են դրվում ապօրինությունները , հետևաբար ոչ լեգիտիմ ընտրությունները. ասաց նա:

Արմեն Մկրտչյանը նաև նշեց, որ ընտրական նոր օրենսգրքում մի շարք դրույթներ ուղղակի աբսուրդ են` մասնավորպես այն, որ խորհրդարանական ընտրություններին մասնակցող կուսակցությունների համար պարտադիր է դարձել ազգային փոքրամասնությունների ներկայացուցիչների ընդգրկումը համամասնական ցուցակներում, պետք է ընդգրկված լինի ոչ պակաս, քան 2 ներկայացուցիչ եւ ոչ ավելի, քան 4 ներկայացուցիչ: Արմեն Մկրտչյանի դիտարկմամբ` այս կերպ փորձ է արվում արհեսատականորեն ավելացնել ազգային փոքրամասնությունների քաղաքական դերակատարությունը:

Նա նաև աբսուրդ է համարում այն, որ Գյումրիում և Վանաձորում Ժողովուրդը կընտրի ոչ թե քաղաքապետ, այլ ընտրություններին հայտ ներկայացրած կուսակցական ցուցակներից ավագանի, որի կազմից էլ կընտրվի քաղաքապետ. «Արդեն իսկ ակնհայտ էր, որ Գյումրու ընտրություններում իշխանությունը չէր հաղթելու, Վանաձորում է էլ հիսաթափությունը մեծ է»,-շեշտեց Արմեն Մկրտչյանը: 

Արմեն Մկրտչյանի դիտարկմամբ` հասարակությունը այս պահին արդեն իսկ ցույց է տալիս իր դժգոհությունը ընտրական օրենսգրքի մասով և ի վերջո ինքնակազմակերպվելով փորձելու է տապել օրենսգրքի ընդունումը: