Դիմում եմ ընդդիմությանը՝ թույլ մի տվեք, որ արցախցիները հայտնվեն իշխանության լարած ծուղակում. Նարինե Գաբրիելյան
Նարինե Գաբրիելյանը գրում է. «Վստահելով մեր ընդդիմադիր ուժերին՝ ուզում եմ խնդրանքով դիմել նրանց՝ համակարգված կերպով զբաղվել արցախցիների խնդիրներով։
Գիտեմ ընդդիմադիր գործիչների, որ օգնում են արցախցիներին նրանց անձնական խնդիրներում, բայց դա բավարար չէ. համակարգային խնդիրներին համակարգային լուծումներ են պետք։ Մեր հայրենակիցներն իսկապես հայտնվել են անտանելի պայմաններում։
Բացի նրանից, որ հողատու իշխանությունը նրանց զրկել է հայրենիքից, այժմ էլ, իրենց կեղտոտ գործը շարունակելով՝ ապօրինի զրկել են ՀՀ քաղաքացիությունից, ինչն անպատկերացնելի հավելյալ բարդություններ է ստեղծել արցախցիների կյանքում։
Հանցագործ իշխանությունը մեկ տարի շարունակ օր ու գիշեր թմրեցնում է մարդկանց՝ նվաստացնող աջակցություններով, հավաքագրելով որոշ արցախցիների՝ նրանց ձեռամբ կառավարում ավելի լայն շրջանակների, իսկ մարդիկ, ծանր պայմաններում գտնվելով, ընկնում են այդ ծուղակը։
Ուստի, դիմում եմ ընդդիմությանը՝ համակարգված զբաղվել մեր հայրենակիցների խնդիրներով. մի թողեք նրանց մենակ այս ազգադավ իշխանության հետ. չէ՞ որ հանցագործ իշխանության միակ նպատակն է ցրել արցախցիներին աշխարհով մեկ և ոչնչացնել նրանց որպես տեսակ»։
