Հաշմանդամություն ունեցող անձանց համար ստեղծել հավասար հնարավորություններ և մատչելի միջավայր. ԱՍՀ նախարար
Աշխատանքի և սոցիալական հարցերի նախարար Նարեկ Մկրտչյանը Հաշմանդամություն ունեցող անձանց միջազգային օրվա կապակցությամբ հանդես է եկել ուղերձով, անդրադարձել ոլորտի խնդիրներին:
«Հաշմանդամություն ունեցող անձանց հիմնարար իրավունքների ապահովման՝ առավել մատչելի պայմանների ստեղծման, կարիքներին համապատասխան հասցեական ծառայությունների մատուցման և մի շարք այլ ուղղություններով պետությունը շարունակում է իրականացնել անհրաժեշտ աշխատանքներ՝ և՛ օրենսդրական մակարդակում, և՛ իրավակիրառ պրակտիկայում։
«Հաշմանդամություն ունեցող անձանց սոցիալական ներառման 2023-2027 թթ․ համալիր ծրագրի» հաստատմամբ ևս սահմանվեցին հաշմանդամություն ունեցող անձանց իրավունքների իրացմանն ու սոցիալական ներառմանն ուղղված առաջիկա 5 տարիների առաջնահերթությունները՝ վերջիններիս համար հավասար հնարավորությունների ու անկախ կյանքի ապահովման, խտրականության բացառման և այլ ուղղություններով։
Խնամքի ծառայությունների փոխակերպման շրջանակում աշխատանքներ են իրականացվում գործող համայնքային տների ծառայությունների ընդլայնման և նոր համայնքային տների ստեղծման ուղղությամբ՝ նպաստելով ապաինստիտուցիոնալացմանը։ Խոշոր հաստատությունների փոխարեն փոքր խմբային տների ստեղծումը կնպաստի նրան, որ հաշմանդամություն ունեցող անձինք, ապրելով համայնքում, իրացնեն համայնքի հասարակական կյանքին լիարժեք մասնակցելու իրենց իրավունքը։
Հաշմանդամություն ունեցող անձանց համայնքում ապրելու իրավունքն ապահովելու նպատակով՝ 2024 թվականից ներդրվեց նաև անձնական օգնականի ծառայությունը։ Միջոցառման շրջանակում ծառայություն են ստանում հենաշարժական, տեսողության և հոգեկան առողջության կամ մտավոր խնդիրներով ֆունկցիոնալության խորը կամ ծանր աստիճանի սահմանափակում ունեցող սովորող կամ աշխատող 15 տարին լրացած անձինք։ Ծրագրի շրջանակում արդեն իսկ ծառայություն է ստանում 100 շահառու։
Ակտիվ աշխատանքներ են իրականացվում նաև պետական հավաստագրերի հիման վրա տրամադրվող աջակցող միջոցների որակական ցուցանիշների բարելավման և համապատասխան ցանկի ընդլայնման ուղղությամբ։ 2024 թ․ ընդլայնվել են նաև աջակցող միջոցների տրամադրման թիրախ խմբերը․ եթե նախկինում ֆունկցիոնալ պրոթեզներ կարող էին ստանալ միայն 44-օրյա պատերազմի մասնակիցները, ապա ներկայումս, անհրաժեշտության դեպքում, արդեն բոլոր զինծառայողները՝ անկախ պատճառական կապից, ինչպես նաև զույգ անդամահատում ունեցող անձինք»։
Ընդգծելով օրվա խորհուրդը՝ Նարեկ Մկրտչյանը ևս մեկ անգամ ընդգծել է հաշմանդամություն ունեցող անձանց հիմնահարցերի ոլորտում շարունակական և հետևողական աշխատանքների իրականացման կարևորությունը, ինչը հնարավորություն կտա հաշմանդամություն ունեցող անձանց համար ստեղծել հավասար հնարավորություններ և մատչելի միջավայր, ինչպես նաև ապահովել նրանց լիարժեք մասնակցությունը երկրի հասարակական, քաղաքական և մշակութային կյանքում։
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Փաշինյանը Ռուսաստան է գնալու
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
