Ի՞նչ է ցույց տալիս Նիկոլ Փաշինյանը Աղազարյանի միջոցով․ «Փաստ»

«Փաստ» օրաթերթը գրում է.

«Ազգային ժողովի քպական պատգամավոր Հովիկ Աղազարյանի շուրջ ստեղծված աղմուկը, ըստ մեր տեղեկությունների, Նիկոլ Փաշինյանը փորձում է օգտագործել հօգուտ իրեն: Բանն այն է, որ, քպական մեր աղբյուրի փոխանցմամբ, Աղազարյանի հրաժարվելը՝ կատարել իր «շեֆի» հորդորը, ավելի շատ ձեռնտու է Նիկոլ Փաշինյանին:

Վերջինս նախ ցանկանում է ցույց տալ, թե ՔՊ-ն ոչ թե ԽՄԿԿ է, ինչպես նշում են բազմաթիվ քաղաքագետներ ու քաղաքական գործիչներ, այլ «դեմոկրատիայի բաստիոն», որտեղ որևէ կուսակցական կարող է իր ասածը չանել: Մյուս կողմից՝ այդպիսով հնարավորություն կտրվեր Հովիկ Աղազարյանին հեռացնել կուսակցությունից և բարձրաձայնել «պատճառները»: Դեռ մի կողմ, որ առնվազն տարակուսելի է, որ «պետական գաղտնիք պարունակող տեղեկությունների արտահոսքը» պատժվում է միայն կուսակցությունից հեռացմամբ:

 Այստեղ Փաշինյանի համար մեկ այլ էական հանգամանք կա. նա փաստացի մեկ անգամ ևս իր բոլոր թիմակիցներին ցույց տվեց, որ ինքը բոլորի վրա «դոսյեներ» ունի, որոնք ցանկացած պահին կարող են կիրառվել, եթե որևէ մեկը «խելոք չմնա»:

Առավել մանրամասն թերթի այսօրվա համարում