«Ապօրինի ծագումով գույքի» «հատիկ առ հատիկ»-ը՝ տեկեկատվա-քարոզչական հնարք․ այսինքն՝ ստանալ քանակի տպավորություն, որը գործնականում չունի որեւէ համակարգային, ինստիտուցիոնալ արժեք․ Հակոբ Բադալյան
Քաղաքական վերլուծաբան Հակոբ Բադալյանը տելեգրամի իր ալիքում գրել է․
Նիկոլ Փաշինյանը հայտնում է Ծաղկաձորում «ապօրինի գույքի» վերադարձի առնչությամբ մի հողամասի վերադարձի մասին, ազդարարելով նաեւ, որ դա գործընթաց է եւ ինքը սկսում է «հատիկ առ հատիկ» ներկայացնել վերադարձվող ապօրինի գույքը:
Սա թերեւս շատ նման է լինելու հայտնի՝ «100 փաստ նոր Հայաստանի մասին» տեղեկատվա-քարոզչական հնարքին: Այսինքն, ներկայացվում էին հարյուր եւ ավելի փաստեր՝ յուրաքանչյուր ասուլիսի ընթացքում, որոնց գերակշռող մասը սակայն ըստ էության չուներ ոչ մի խորքային եւ համակարգային նշանակություն եւ այդօրինակ ոչ պակաս հարյուրավոր փաստեր հնարավոր էր ներկայացնել Հայաստանի ցանկացած կառավարության պարագայում:
Այժմ գրեթե համարժեք տեղեկատվա-քարոզչական հնարք է լինելու «ապօրինի ծագումով գույքի» «հատիկ առ հատիկ»-ը: Այսինքն, ստանալ քանակի տպավորություն, որը գործնականում չունի որեւէ համակարգային, ինստիտուցիոնալ արժեք:
Ավելին, դեռ շատ մեծ հարց է, թե համակարգային, ինստիտուցիոնալ տեսանկյունից այդ գործընթացը որքանով է Հայաստանի համար օգտակար, իսկ որքանով է հարվածում օրինակ Հայաստանում ներդրումային միջավայրի վարկին: Որովհետեւ այն վկայում է, որ երկրում տնտեսական երեւույթները շարունակում են լինել իշխանության քաղաքական կոնյուկտուրային ենթակա: Իսկ այդպիսի ազդակները ներդրողների համար, մեղմ ասած՝ վանող են: Պետք չէ զարմանալ, որ անգամ պաշտոնական վիճակագրությամբ Հայաստանում նվազել են օտարերկրյա ուղղակի ներդրումները:
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Փաշինյանը Ռուսաստան է գնալու
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
