Ալիևի ռեժիմի կողմից Ռուբեն Վարդանյանի մեղադրանքը հստակ քաղաքական ֆարս է. «Մենք ենք մեր սարերը» գործակալություն
2023 թվականի սեպտեմբերի 27-ին Ադրբեջանի կողմից գերեվարված և Բաքվի բանտում ապօրինի կալանքի տակ գտնվող Ռուբեն Վարդանյանի իրավական պաշտպանության վերջին հայտարարությունը, թե իրեն ցմահ ազատազրկում սպառնացող 45 կեղծ մեղադրանքներ են առաջադրվել, խորապես մտահոգիչ է։ Այս մասին հայտարարություն է տարածել «Մենք ենք մեր սարերը», Զարգացման գործակալություն» ՀԿ-ն:
Հայտարարությունում նաեւ ասվում է. «Ալիևի ռեժիմի կողմից Ռուբեն Վարդանյանին առաջադրված մեղադրանքը հստակ քաղաքական ֆարս է, որի նպատակն է ոչ միայն հեղինակազրկել Ռուբեն Վարդանյանին, այլև միջազգային ուշադրությունը շեղել Արցախի ժողովրդի դեմ Ադրբեջանի հանցագործություններից։
Ռուբեն Վարդանյանի ողջ գործունեությունն Արցախում ուղղված էր Ադրբեջանի կողմից շրջափակման մեջ հայտնված, սովի, դաժան զրկանքների, էթնիկ զտումների և ռազմական ագրեսիայի ենթարկված բնակչության կենսական կարիքների լուծմանը։ Աջակցությունը ներառում էր սննդի մատակարարում, առողջական խնդիրների և այլ հիմնական կարիքների անհապաղ լուծումներ, ինչի մասին վկայում են «Մենք ենք մեր սարերը» կազմակերպության կողմից Արցախում իրականացվող ծրագրերը։
Միջազգային հանրությունը չպետք է լռի մարդու իրավունքների նման կոպիտ խախտումների առջև։ Ալիևի ռեժիմի այս բացահայտ հարձակումը ուղղված է ոչ միայն Ռուբեն Վարդանյանի, այլև արդարության, միջազգային իրավունքի, միջազգային պայմանագրերով ու կոնվենցիաներով ամրագրված հիմնարար իրավունքների ու ազատությունների դեմ։
Հրամայական է, որ ժողովրդավարական աշխարհը վճռական քայլեր ձեռնարկի արդար դատավարություն, միջազգային դիտորդների ներկայություն և դատական գործընթացի լիարժեք թափանցիկություն ապահովելու համար։
Կոչ ենք անում նաև Հայաստանի և ամբողջ աշխարհի քաղաքացիական հասարակությանը, ինչպես նաև միջազգային կազմակերպություններին ու պետություններին խստորեն դատապարտել Ռուբեն Վարդանյանի ապօրինի ազտազրկումը և իրենց աջակցությունը հայտնել նրան և Բաքվում պահվող բոլոր հայ բանտարկյալներին։
Աշխարհը չի կարող անտարբեր մնալ, երբ նրա ամենահայտնի մարդասերներից մեկը հետապնդվում է արդարության և արժանապատվության պայքարի համար:
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Փաշինյանը Ռուսաստան է գնալու
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
