2024 թվականի դեկտեմբերի 20-ը ՀՀ ԱԱԾ-ում սգո՞ օր է․ ԱԱԾ աշխատողի օրը դեկտեմբերի 20-ի փոխարեն կնշվի հունվարի 8-ին․ ՀՀ պահեստազորի զինծառայողներ

ՀՀ պահեստազորի զինծառայողների նախաձեռնություն ֆեյսբուքյան էջը գրել է․

«2024 թվականի դեկտեմբերի 20-ը ՀՀ ԱԱԾ-ում սգո՞ օր է։

ՀՀ կառավարության որոշմամբ՝ ՀՀ ազգային անվտանգության մարմինների աշխատողի օրը դեկտեմբերի 20-ի փոխարեն կնշվի հունվարի 8-ին, լրատվամիջոցների հրապարակումների համաձայն՝ համապատասխան որոշման նախագիծը ներառվել էր ՀՀ կառավարության 2024 թ. մարտի 7-ի նիստի չզեկուցվող հարցերի փաթեթում, որում առաջարկվել էր ՀՀ ազգային անվտանգության մարմինների աշխատողի օրը նշել յուրաքանչյուր տարի՝ հունվարի 8-ին:

Իրավարմամբ, ակնհայտ է, որ 2024 թ-ի ողջ տարվա ընթացքում՝ ՀՀ ԱԱԾ-ի ծառայողները առհասարակ զրկվել են ՀՀ ազգային անվտանգության մարմինների աշխատողի մասնագիտական տոնից, գուցե դա պայմանավորված է կառույցի վատ աշխատանքով, կամ շրջանառվող լուրերի համաձայն՝ կառավարության շարքերում բարձր պետական պաշտոն զբաղեցնող՝ ԱԱԾ-ի գաղտնի գործակալական ցանցում ներգրաված նախկին գործակալների վրեժխնդրությամբ:

Հանրության համար գաղտնիք չի հանդիսանում, այն, որ բարձր պետական պաշտոններ զբաղեցնող պաշտոնատար անձանց հետ փոխկապված անձիք ոստիկանության կողմից պարբերաբար բերման են ենթարկվում թմրանյութ պահելու, օգտագործելու և շրջանառելու կասկածանքով, ուստի տրամաբանական է, որ ԱԱԾ-ում հավաքագրված է նաև այն տեղեկատվությունը, թե որ բարձր պետական պաշտոն զբաղեցնող պաշտոնյանները թմրամոլներ են, ուստի ակնհայտ է, որ այդ պաշտոնատար անձանց գործունեության համար անմիջապես պատասխանատվություն է կրում հենց ԱԱԾ-ն, քանի որ պետական կառավարման համակարգում թմրամոլներ ունենալը վտանգավոր է պետական և ազգայն անվտանգության շահերի համար:

Ակնհայտ է, որ, եթե վերոնշյալ վերլուծական փաստարկները առկա են, ապա անիմաստ է հուսալ, որ մի հարմար օր հավաքագրված տեղեկատվությունը կփոշիանա արխիվում պատահական առաջացած հրդեհի ժամանակ, քանի որ համակարգում եղել են, կան ու կլինեն այնպիսի ծառայողներ, որոնք ծառայում են Հայաստանի Հանրապետությանը, ուստի այդ ծառայողների մասնագիտական տոնը շնորհավոր:

Առիթից օգտվելով՝ ՀՀ պահեստազորի զինծառայողների նախաձեռնությունը շնորհավորում է նաև նախաձեռնության համակարգող՝ Էդգար Հովհաննիսյանին իր ծննդյան օրվա կապակցությամբ, ի դեպ ԱԱԾ-ի որոշ ծառայողներին, որևէ կառավարություն երբևէ չի զրկելու իրեն այդ տոնից:

P.S. Ընդ որում՝ ՀՀ պահեստազորի զինծառայողների նախաձեռնության երկարամյա հասարակական գործունեության, ըստ էության, հետևանքով՝ ՀՀ ԱԱԾ տնօրեն Ա. Աբազյանի 29.11.2023 թ. թիվ 94-Լ հրամանով սահմանվել է չօգտագործված արձակուրդի օրերի համար հատուցում հաշվարկելու համապատասխան կարգը, ուստի հորդորում ենք ցածր ՕԳԳ ունեցող ծառայողներին սեփական դիմումի համաձայն ազատվել ծառայությունից:

Մենք աշխատում ենք, որ դո՞ւք ուտեք: