Գավառի ուսուցչուհիներից մեկը հաղթել է Կալինինգրադում անցկացված միջազգային օլիմպիադայում
Գավառ քաղաքի թիվ 2 միջնակարգ դպրոցի ռուսաց լեզվի և գրականության ուսուցչուհի Մարինե Պողոսյանը հաղթել է Կալինինգրադում կայացած Ռուսաց լեզվի 2-րդ միջազգային մանկավարժական օլիմպիադայում: Տեղեկությունը հայտնում է Հայաստանում Ռուսական տունը։
«Ինձ համար շատ արժեքավոր փորձ էր լինել վաստակաշատ դասախոսների շարքում, փոխանակել կուտակած գիտելիքներն ու հմտությունները», - ասել է մանկավարժը:
Նա պատմել է, որ օլիմպիադայի ծրագիրը հագեցած և բազմազան է եղել՝ մրցույթներ, բանավեճեր, քննարկումներ, ինտելեկտուալ մրցումներ: Քննարկումների ընթացքում բարձրացվել են ռուսաց լեզվի դասավանդման մեթոդաբանությանը վերաբերող արդիական հարցեր:
«Ուսուցիչները տրված նկարի վերաբերյալ պետք է կազմեին դասի պլան, ինքնադրսևորվեին բանավեճում՝ ստանձնելով քննադատի և պաշտպանի դերերը, ինչպես նաև առաջարկվող թեմայի վերաբերյալ ներկայացնեին ստեղծագործական նախագիծ և պատասխանեին բանասեր ուսանողների հարցերին»,– ասել է Պողոսյանը:
Ուսուցչուհին բազմաթիվ ընկերներ և համախոհներ է ձեռք բերել Ղրղզստանից, Տաջիկստանից, Վիետնամից, Բուլղարիայից, Թուրքմենստանից և Ղազախստանից: Առանձնահատուկ է եղել Սերբիայից ժամանած Դարինկայի հետ հանդիպումը. նրա հետ ծանոթացել էր դեռ 2014 թվականին ռուսաց լեզվի Երկրորդ համաշխարհային փառատոնում։ 10 տարի անց նրանց ճանապարհները կրկին հատվել են, և օլիմպիադայի ժամանակ նրանց բանավեճը դարձել է միջոցառման ամենավառ և հիշարժան իրադարձություններից մեկը:
«Կազմակերպիչները մեր ինտելեկտուալ մրցույթը կատակով անվանեցին «ծնողների և երեխաների մենամարտ», քանի որ ես օլիմպիադայի ամենաերիտասարդ մասնակիցն էի, իսկ Դարինկան՝ ամենափորձառուն», - պատմել է նա:
Նշենք, որ օլիմպիադային մասնակցել են շուրջ 100 մասնագետներ աշխարհի 30 երկրներից: Եզրափակիչ են դուրս եկել 12 երկրների 26 մասնակիցներ: Օլիմպիադայի կազմակերպիչը Ի. Կանտի անվան Բալթյան դաշնային համալսարանն է։
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Փաշինյանը Ռուսաստան է գնալու
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
