Քննարկվել են ԶՈւ-ում մահվան և ինքնավնասման դեպքերը, նաև զորակոչի ընթացքում արձանագրվող խնդիրները (լուսանկարներ)
Դեկտեմբերի 25-ին տեղի է ունեցել Մարդու իրավունքների պաշտպանին առընթեր Զինծառայողների իրավունքների պաշտպանության հարցերով փորձագիտական խորհրդի նոր կազմով առաջին նիստը:
Ողջունելով փորձագիտական խորհրդի անդամներին՝ Անահիտ Մանասյանը շնորհակալություն է հայտնել համատեղ աշխատանքի պատրաստակամության համար՝ նշելով, որ ջանքերի համատեղմամբ կարող ենք նպաստել ոլորտում առկա խնդիրների վերհանմանը, ճիշտ հասցեավորմանը և բոլոր շահագրգիռ մարմինների ներգրավմամբ` առկա խնդիրներին լուծման մեխանիզմներ գտնելուն:
Փորձագիտական խորհրդում քննարկվել են զինված ուժերում մահվան և ինքնավնասման դեպքերի, կարգապահության ամրապնդման, զորակոչերի ընթացքում արձանագրվող խնդիրների, ինչպես նաև զինված ուժերում կանանց իրավունքների հետ կապված մի շարք հարցեր:
Մարդու իրավունքների պաշտպանի աշխատակազմը և խորհրդի անդամները ներկայացրել են իրենց գործունեության ընթացքում արձանագրված՝ զինծառայողների և նրանց ընտանիքների անդամների իրավունքներին վերաբերելի օրենսդրական և գործնական բնույթ ունեցող խնդիրները, որոնք վերաբերում են վարժական հավաքների ներգրավման ընթացքում բուժզննումներին, զորակոչիկների հետազոտություններին, զինծառայողների առողջական վիճակով պայմանավորված սահմանափակումների պահանջները պահպանելուն, սպա-հոգեբանի ինստիտուտին, զորքերում կարգապահությանը և կանոնադրային հարաբերություններին, կարգապահական և քրեական պատասխանատվության ենթարկելու հիմնահարցերին, այլընտրանքային ծառայության ոլորտում առկա խնդիրներին, գերության մեջ գտնվող և անհայտ կորած զինծառայողների կարգավիճակին, նրանց ընտանիքների սոցիալական ապահովության և այլ իրավունքների երաշխավորմանը և այլն:
Հանդիպման ավարտին տեղի է ունեցել խորհրդի նիստի աշխատանքների ամփոփում և հետագա անելիքների վերաբերյալ մտքերի փոխանակություն։
Պաշտպանին առընթեր զինծառայողների իրավունքների պաշտպանության հարցերով նոր ձևավորված փորձագիտական խորհրդի կազմում ընդգրկվել են ոլորտային ակտիվ հասարակական կազմակերպությունների ներկայացուցիչներ, հոգեբանության, սոցիոլոգիայի ոլորտի անկախ մասնագետներ, փաստաբաններ:
Փորձագիտական խորհուրդը լայն հնարավորություն է տալու քաղաքացիական հասարակության, պետական կառույցների, անկախ փորձագետների ներգրավմամբ կազմակերպելու մասնագիտական քննարկումներ՝ նպատակ ունենալով ջանքերի համատեղմամբ լուծելու անվտանգային ոլորտում մարդու իրավունքներին վերաբերելի խնդիրները:
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Փաշինյանը Ռուսաստան է գնալու
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
