Արփինե Սարգսյանը տարօրինակ նշանակում է արել․ նրա օգնականը Green Card շահած ա՞նձ է

ՆԳ նորանշանակ նախարար Արփինե Սարգսյանը հերթական, բայց բավական տարօրինակ կադրային նշանակում է արել:

Նա իր օգնական է նշանակել ոստիկանության գաղտնի ծառայության նախկին պետ Արթուր Ղարիբյանին, ով օրերս էր լքել 7-րդ վարչության պետի պաշտոնը:

Նա, իր աշխատանքի բերումով, քիչ հայտնի է հանրությանը:

Ղարիբյանը ոստիկանությունում երկար է ծառայել, բայց երբ ազատվել է, անմիջապես ցանկացել է լքել երկիրը։ Համենայդեպս, NEWSPRESS.am-ին հասած տեղեկություններով, աշխատանքից ազատվելուց հետո, նա հայտ է ներկայացրել՝ Green Card շահելու և ԱՄՆ մեկնելու համար։

Մեր տեղեկություններով նա ԱՄՆ կացության քարտ է ձեռք բերել։ Այս ֆոնին զարմանալի է նախ այն, որ նախկին ոստիկանապետ Արման Սարգսյանը նրան պաշտոն էր տվել, իսկ հիմա էլ նորանշանակ նախարար Արփինե Սարգսյանի կողմից նշանակվում է ոչ ավել- ոչ պակաս՝ նախարարի օգնական։

Ու առնվազն տարօրինակ է նորանշանակ նախարարի օգնականի դերում 60-անց այս անձի հայտնվելը։

Թե ինչ ակնկալիքով է կատարվել այս նշանակումը, հատկապես հաշվի առնելով Green Card շահելու մասին լուրերը (քանի որ այս անձը պատրաստվում է մեկեն ԱՄՆ-ը՝ կեցության նպատակով), փորձեցինք պարզել ՀՀ ՆԳ նախարարի մամուլի քարտուղար Նարեկ Սարգսյանից։

Վերջինս նշեց, որ նման տեղեկության չի տիրապետում և խնդրեց հարցն ուղղել նամակով։

Այնպես որ, կսպասենք ոստիկանության պարզաբանմանը։