ՀԽՀԿ-ի նախագահն ու անդամները իրենց զորակցությունն են հայտնել հրդեհից տուժած ամերիկահայերին
Համահայկական խաղերի համաշխարհային կոմիտեի նախագահ Իշխան Զաքարյանն ու խաղերի համաշխարհային կոմիտեի անդամներն իրենց զորակցությունն են հայտնում ԱՄՆ Կալիֆոռնիա նահանգում բռնկված զանգվածային հրդեհի հետևանքով տուժած ամերիկահայ համայնքի անդամներին:
Այս մասին հայտարարություն է տարածել Համահայկական խաղերի համաշխարհային կոմիտեն։
ՀԽՀԿ-ի հայտարարության մեջ մասնավորապես ասվում է.
«Այս օրերին բոլորս մեծ սարսափով ենք հետևում Կալիֆոռնիա նահանգում մոլեգնած հրդեհին ու դրա պատճառած մեծամասշտաբ ավերածություններին: Ցավալի է տեսնել, որ բնական աղետի հետևանքով տուժել են նաև ամերիկահայ համայնքի մեր հարյուրավոր հայրենակիցներ: Մեծ գոհունակությամբ ենք հիշում, թե ինչպես Լոս Անջելեսի տարբեր քաղաքներից, այդ թվում՝ Գլենդելից, Բըրբանքից, Հոլիվուդից, Փասադենայից շուրջ 300 հայեր մասնակիցը դարձան Համահայկական ամառային վերջին խաղերին: Այսօր արդեն ցավով ենք տեղեկանում, որ մեր շատ հայրենակիցների տները հրո ճարակ են դարձել բնական այդ սարսափելի աղետի հետևանքով: Մեր զորակցությունն ու աջակցությունն ենք հայտնում աղետից տուժած բոլոր հայ ընտանիքներին: Ցանկանում ենք նշել, որ մշտական կապի մեջ ենք քաղաքային կոմիտեների ներկայացուցիչների, մասնավորապես գործկոմի փոխնախագահ Ալբերտ Բոյաջյանին և անդամ Արմիկ Եբրահիմյանի հետ: Անհրաժեշտության դեպքում Համահայկական խաղերի համաշխարհային կոմիտեի և գործկոմի անդամները, հայկական սփյուռքի տարբեր գաղթօջախներում քաղաքային կոմիտեների անդամները պատրաստ են իրենց գործնական զորակցությունը ցուցաբերել ձեզ: Մաղթում ենք տոկունություն և ոգու ամրություն: Վստահ ենք, որ կարճ ժամանակահատվածում կկարողանաք հաղթահարել դժվարություններն ու վերադառնալ բնականոն կյանքի ռիթմին»:
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Փաշինյանը Ռուսաստան է գնալու
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
Ընդդիմությունը մանդատների հարցով որոշում ունի. «Հրապարակ»
Ո՞րն է ընդդիմության՝ ՍԴ դիմելու քաղաքական իմաստը, եթե արդյունքներն անբեկանելի են
