Երևանում ոստիկանությունն այնքան է ուշացել, որ գողին տանը բռնել է տանտիրոջ փեսան
SHAMSHYAN.com-ի տեղեկություններով՝ հունվարի 9-ին արտակարգ դեպք է տեղի ունեցել Երևանում, ինչն ապացուցում է, որ ոստիկանության որոշ ծառայողներ առաջնորդվում են «կրիայի հոգեբանությամբ»:
Ինչպես հայտնում է ֆոտոլրագրող Գագիկ Շամշյանը, այդ օրը Երևանի բնակիչ 39-ամյա Շ. Խ.-ն ահազանգել է ՀՀ Ներքին գործերի նախարարության ոստիկանության օպերատիվ կառավարման կենտրոն և հայտնել, որ Շենգավիթ վարչական շրջանի Արտաշեսյան փողոցի իրենց տուն 2 գող են մտել և տանը ոչ ոք չկա:
Ահազանգողը հայտնել է նաև, որ այդ ամենը ինքը իմացել է տեսախցիկների միջոցով:
Քաղաքացին մոտ 1 ժամ սպասում է ու տեսնելով, որ ոստիկանությունից ոչ մի արձագանք չկա, գողության մասին հայտնում է իր փեսային, որից հետո փեսան իր ընկերոջ հետ գալիս է տուն և հենց տան մեջ բռնում գողին:
Տուժած քաղաքացին դարձյալ զանգահարում է ոսստիկանություն ու հայտնում, որ մինչև նրանք կգային, փեսան գողին բռնել է:
