«Պետությունը Դու ես» ասելով՝ Փաշինյան Նիկոլը «հպարտ ժողջանին» ծաղրո՞ւմ է, թե՞ պատերազմ է գուժում

Այսօր առավոտյան Նիկոլ Փաշինյանը Դավոսից տեսանյութ է հրապարակել, որով դիմել է ՀՀ քաղաքացուն։

Տեսանյութում նա մասնավորապես ասում է․

«Հայաստանի Հանրապետության Քաղաքացի, Պետությունը Դու ես, Դու՛ ես Հայաստանի Հանրապետությունը»։

Իհարկե, եթե սա լիներ մեկ այլ ղեկավարի դեպքում, հավանաբար, 5 քաղաքացուց առնվազն 4-ն իրեն շոյված ու հպարտ կզգար։ Իսկ Փաշինյանի շուրթերից հնչած այս նախադասությունը կարծես ծաղր լինի։ Հատկապես որ, նա այդ ասելիս հազիվ է զսպում ցինիկ ժպիտը։

Տեսանյութում հնչող մեղեդուց ու Նիկոլի հետևի ֆոնից, կարելի է ենթադրել, որ մարդ ու կին սեղանի շուրջ նստած նախաճաշում են, գուցե հենց հյուրանոցի ռեստորանում։ Հավանաբար, ստամոքսները մի բան են գցել ու մտածել՝ բա այսօր ո՞նց հանենք մարդկանց հունից։

Ու Փաշինյանը որոշել է որևէ մի բան «բլթացնել»։ Կրկնություն չթվա, բայց սա իսկապես մեկ այլ ուժեղ ու հաղթանակած ղեկավարի դեպքում կհնչեր որպես խրոխտ հայտարարություն, բայց երկիրը թշնամուն հանձնող ու կապիտուլյացիայի փաստաթուղթ ստորագրած ղեկավարի դեպքում այդ ամենն առնվազն ծիծաղելի է, եթե ոչ ողբերգական։

Ողբերգությունը թերևս այն է, որ ամեն անգամ, երբ Նիկոլը «հպարտ» քաղաքացուն հիշեցնում է, որ պետությունը նրանն է և պետությունը հենց նա է՝ պատերազմի հոտ է գալիս։ Իսկ այն, որ պատերազմի վտանգ կա՝ անգամ «խաղաղատենչ», «խաղաղասեր» ու  «խաղաղության խաչմերուկ գծող» իշխանության վերնախավն է խոստովանում։

Այնպես որ, Փաշինյանի խոսքերն այս առումով անհանգստացնող են։

Նրա մանիպուլյատիվ հնարքները, ինչպես արդեն տարբեր  առիթնեորվ նշել ենք, նկատում են նաև «հպարտ քաղաքացիները», ովքեր Փաշինյանի գրառման ներքո թողել են իրենց մեկնաբանությունները։

NEWSPRESS.am-ը ներկայացնում է դրանցից մի քանիսը։

Samvel Karamyan

Պետությունը ես չեմ։ Ես միայն պետության համար զոհվողն ու արժանապատիվ չհուղարկավորվածն եմ։ Ես այն գրպանն եմ, որ երբ ուզեք, ինչքան ուզեք, կարող եք անարգել սղոսկել։ Ես անհատ եմ, որ անձնական գաղտնիք ունենալու իրավունք չունեմ... և այդպես շարունակ