Անծրագիր. տրանսպորտի սակագնի հետ կապված «շարժերը» կանխատեսելի էին. «Փաստ»
«Փաստ» օրաթերթը գրում է.
«Ինչպես հայտնի է, նախօրեին Երևանի քաղաքապետ Տիգրան Ավինյանը հայտարարեց, որ Երևանում փետրվարի 1-ից կներդրվի նոր ուղևորատոմս՝ մեկ ուղևորության արժեքը սահմանելով 150 դրամ, որը գործելու է ամբողջ 2025 թվականի ընթացքում: Նա նշեց, որ առաջարկվող մեկ ուղևորության համար սահմանված 150 դրամը ամեն տարի կարող է փոփոխվել առավելագույնը 10 դրամով և միայն շարունակվող բարեփոխումների պայմաններում:
Ուշագրավ է, որ այս վիճակն առանձին գործիչների համար, կարծես, տեսանելի էր ի սկզբանե: Ի մասնավորի, դեռևս երկու ամիս առաջ «Համահայկական ճակատ» շարժման առաջնորդ, ՀՀ պաշտպանության նախկին նախարար, գեներալ մայոր Արշակ Կարապետյանն ասել էր. «Այս իշխանությունները ոչ մի ուղղությամբ ծրագիր չունեն: Նույնը վերաբերում է նույնիսկ տրանսպորտի թանկացմանը: 100 դրամից միանգամից 300 դրամ դարձնելն ինքնին նշանակում է, որ ծրագիր չունեն: Եթե որպես առաջին քայլ դարձնեին 110 դրամ, կարելի էր մտածել, որ ծրագիր ունեն: Իսկ հիմա ուղղակի PR են անում: Ասե՞մ՝ ինչ է լինելու: Որոշ ժամանակ անց մեկը կանգնելու է ու ասի՝ ես համաձայն չեմ միանգամից 300 դրամին, պետք է ընդամենը 200 դրամ դառնա: Կթանկացնեն, կդարձնեն 200 դրամ, բայց կասի՝ տեսա՞ք՝ չթողեցի 300 դրամ դառնա»:
Առավել մանրամասն թերթի այսօրվա համարում
