«Երեկոյան ժամերին մի խաչմերուկ գնալու համար 45 րոպե է պահանջվում». բոյկոտի մասնակից քաղաքացի
«Ուզում էի 100 դրամ վճարել, վարորդն ասաց՝ ավելի լավ է ոչինչ չվճարենք, քան թե ինձ կանխիկ գումար տաք, ես իրավունք չունեմ գումար վերցնել։ Ես էլ չեմ վճարում»։ Այս մասին այսօր՝ փետրվարի 4-ին, լրագրողների հետ զրույցում ասաց հանրային տրանսպորտի թանկացումը բոյկոտող մի կին։
«Ինձ թվում է, որ ամեն ինչ թանկացավ, տրանսպորտը պետք է անվճար լինի։ Գոնե 100 դրամ լինի, վճարենք, ավել չենք կարող։ Մանավանդ, որ ասել են մինչև 2025 թվականի դեկտեմբերն է 150 դրամ լինի, այսինքն հետո ավելի է թանկանալու։ Գազելների ժամանակ այսքան խցանումներ չկային, ժամը 6-8–ը մի խաչմերուկ գնալու համար 45 րոպե է պահանջվում, գործի տեղն այդքան չենք հոգնում, որքան գործից հետո դուն գնալիս»,–ասաց նա։
Նշենք, որ արդեն 4-րդ օրն է՝ քաղաքացիների մի մասը բոյկոտում է հանրային տրանսպորտի նոր սակագները։
Հիշեցնենք՝ Երևանի ավագանին 33 կողմ ձայնով ընդունել է որոշումը, որով 1 ուղևորության համար սահմանվել է 150 դրամ, գործելու են նաև միասնական տոմսային համակարգի փաթեթները։
