Ի պատասխան Վարդան Ղուկասյանի. Արիանա Հովսեփյան

Այսօր NEWSPRESS.am-ն անդրադարձել էր Նիկոլ Փաշինյանի անօրինական կնոջ` Աննա Հակոբյանի` Մախաչկալա այցի մանրամասներին: Գրել էինք, որ Հակոբյանը ոչ պաշտոնական հանդիպում է ունեցել Ռուսաստանի, Բելառուսի, Ղազախստանի վարչապետերի կանանց հետ: 

Մեր հրապարակմանն անդրադարձել է ԴՕԿ կուսակցության ղեկավար Վարդան Ղուկասյանը, ով ավելի վաղ հայտնել էր, թե Մախաչկալայում հանդիպել են Աննա Հակոբյանն ու Իլհամ Ալիևի կինը` Մեհրիբան Ալիևան: 

Տարընթերցումից խուսափելու համար շեշտենք` NEWSPRESS.am-ի հրապարակումն ամենևին նպատակ չի ունեցել հերքելու Ղուկասյանի պնդումը: Այդ մասով մենք տեղեկություններ չենք ստացել և հետևապես չէինք էլ կարող ո՛չ պնդել, ո՛չ հերքել այդ հանդիպման մասին տեղեկությունը:

Ավելին` թե կայքի, թե իմ հետևորդները լավ գիտեն իմ վերաբերմունքը մեր «ռեսպուբլիկան խայտառակ անող» տիկնոջ նկատմամբ: 

Ինչ վերաբերում է հրապարակման բուն տեքստին, ապա մեր ռուսաստանյան աղբյուրը հաստատում է մեր հրապարակած տեղեկությունը` ավելացնելով, որ այդ հանդիպման փաստը հույժ գաղտնի է պահվել և լուսանկարներ այդտեղից պարզապես չկան, ինչպես, հավանաբար, չկան Ալիևայի հետ հանդիպումից, բայց դա չի նշանակում, որ այդ հանդիպումները չեն կայացել: 

Վարչապետերի կանանց հանդիպման ժամանակ Աննա Հակոբյանին նաև թուքումուր են տվել այն բանի համար, որ նա հանդիպել է Ուկրաինայի նախագահ Վլադիմիր Զելենսկու կնոջ հետ:

Ինչ վերաբերում է թշնամի երկրի «կիրթ ու կառուցողական» բռնապետի կնոջը Շուշի հրավիրած և Շուշի բերած տիկնոջ հանդիպմանն իր երազանքների ընկերուհու հետ, ապա այդ հրապարակման մասով ԱԱԾ-ն և Դատախազությունն առնվազն անելիքներ ունեն: Եվ եթե հանդիպման փաստը հաստատվի, ապա նաև պարզեն, թե այս անգամ ինչ դավեր է նյութում հայ ժողովրդի դեմ: 

Արիանա Հովսեփյան
NEWSPRESS.am-ի հիմնադիր-տնօրեն