Թրամփն աշխատանքից ազատել է USAID-ի գլխավոր տեսուչին
Միացյալ Նահանգների նախագահ Դոնալդ Թրամփն ԱՄՆ Միջազգային զարգացման գործակալության (ԱՄՆ ՄԶԳ, USAID) գլխավոր տեսուչ Փոլ Մարտինին ազատել է աշխատանքից. այս որոշումից առաջ նրա վարչությունը քննադատական զեկույց էր հրապարակել նախագահական վարչակազմի հասցեին: Այս մասին հաղորդում է NBC News հեռուստաալիքը՝ վկայակոչելով աշխատանքից ազատման մասին ծանուցող նամակը։
«Նախագահ Դոնալդ Թրամփի անունից գրում եմ, որպեսզի ձեզ տեղեկացնեմ այն մասին, որ ձեր պաշտոնը՝ որպես ԱՄՆ ՄԶԳ-ի գլխավոր տեսուչ, վերացվել է», – ասվում է Մարտինին ուղղված նամակում, որն ուղարկվել է նախագահի կադրերի վարչության փոխտնօրեն Թրենթ Մուրի կողմից։
Ըստ նամակի տեքստի՝ որոշումն ուժի մեջ է մտնում անմիջապես։
Փետրվարի 10-ին ԱՄՆ ՄԶԳ-ի գլխավոր տեսուչի գրասենյակը հաշվետվություն էր հրապարակել, որտեղ ներկայացվել են USAID-ի նկատմամբ ԱՄՆ նախագահի ու նրա վարչակազմի գործողությունների բացասական հետևանքները։
Փաստաթղթում, մասնավորապես, ասվում էր այն սպառնալիքների մասին, որոնք կապված են անձնակազմի կրճատման և վերահսկողության բացակայության հետ, ինչպես նաև անորոշության մասին՝ ԱՄՆ-ի կողմից արտաքին օգնությունը դադարեցնելու պատճառով:
ԱՄՆ պետքարտուղար Մարկո Ռուբիոն, որը Դոնալդ Թրամփի կողմից նշանակվել է USAID-ի ղեկավարի պաշտոնակատար, ավելի վաղ հայտարարել էր, որ իշխանությունը պատրաստվում է գործակալությունը «վերևից ներքև» ստուգել՝ պարզելու, թե արդյոք ծրագրերի ֆինանսավորումը համապատասխանում է գործող վարչակազմի միջազգային քաղաքականությանը, քանի որ USAID-ն իր միջոցները ծախսել է «ի վնաս» Միացյալ Նահանգների:
Նրա խոսքով՝ վերագնահատումից հետո առանձին դեպքերում օգնությունը կսառեցվի կամ կավելացվի։ԱՄՆ ՄԶԳ-ն ավելի վաղ հայտարարել էր, որ իր անձնակազմն ամբողջ աշխարհում վարչական արձակուրդի կուղարկվի մի շարք բացառություններով:
CBS հեռուստաալիքը, հղում անելով աղբյուրների, ավելի վաղ հաղորդել էր, որ USAID-ի արտասահմանյան բոլոր ներկայացուցչություններին կարգադրվել է փակվել, իսկ նրանց ողջ անձնակազմը հետ կկանչվի:
Լարված և անառողջ մթնոլորտ. ի՞նչ է կատարվում Մ.Աբեղյանի անվան գրականության ինստիտուտում
Էրեբունիում հայրը փորձել է բռնաբարել դստերը. «Հրապարակ»
Փաշինյանը մատնեց, թե ինչ է ծրագրել Տիգրանաշենի հանձնման հետ կապված. «Հրապարակ»
Ռուսաստանի Դաշնությունից Հայաստան բնական գազի մատակարարումը ժամանակավորապես կդադարեցվի
Կիևյան կամրջի տակ հայտնաբերվել է տղամարդու մարմին, իսկ կամրջի վրա՝ նրան պատկանող «բարսետկան»
Կյանքից հեռացել է «Նաիրի» ԲԿ ֆիզիոթերապիայի բաժնի ղեկավար Անահիտ Հասրաթյանը
ՀՀ պահեստազորի սպաների միությունը բաց նամակով դիմել է ԱԱԾ տնօրեն Անդրանիկ Սիմոնյանին
Դրամահավաք՝ 44-օրյա պատերազմում անմահացած Յակով Սարգսյանի մոր բուժման նպատակով
Ուկրաինան անօդաչուներով հարվածներ է հասցնում Սոչիին. կան վիրավորներ
Երկու ուղևորի կապել են հենց օդում՝ Դոհա թռիչքի ժամանակ տեղի ունեցած կռվի պատճառով
