Գևորգ Պապոյանը հերթական անգամ սուտ և մանիպուլյատիվ տեղեկատվություն է հրապարակում. ՀՀ ընդհանուր պարտքը կազմում է 12 միլիարդ դոլար. Արմեն Եղիազարյան

Գևորգ Պապոյանը հերթական անգամ սուտ և մանիպուլյատիվ տեղեկատվություն է հրապարակում, իբր ՀՀ արտաքին պարտքը կազմում է ոչ թե 12 միլիարդ դոլար, այլ ընդամենը 5.9 միլիարդ. Ֆեյսբուքյան իր էջում գրել է ԼՀԿ խորհրդի անդամ, ԱԺ նախկին պատգամավոր Արմեն Եղիազարյանը։

«Ասեմ, որ ՀՀ ընդհանուր պարտքը կազմում է 12 միլիարդ դոլար, որից՝

– Արտաքին պարտք՝ 6,2 մլրդ դոլար

– Ներքին պարտք՝ 5,9 մլրդ դոլար

Արտաքին պարտքի մեջ ներառված են՝

– ՀՀ կառավարության պարտք՝ 5,7 մլրդ դոլար

– ՀՀ կենտրոնական բանկի պարտք՝ 508 միլիոն դոլար

Իսկ ներքին պարտքի հիմնական մասը կազմում են ռեզիդենտների ձեռք բերված պետական գանձապետական պարտատոմսերը՝ 5,3 մլրդ դոլար:

Ստացվում է՝ ՀՀ ընդհանուր պարտքը 12 միլիարդ դոլար է։

Իսկ Պապոյանը, հավանաբար, նշում է միայն ներքին պարտքի մասը»,-գրել է նա։