Բաքվում մեր գերիները մահվան ճանապարհին են․ Նարինե Աղբալյան
«Շատ կարևոր է, որ ինքնաբուխ ակցիաներ են կատարվում, սա նշանակում է, որ ժողվորդը կամաց-կամաց թոթափում Է անտարբերության զգացումը և յուրաքանչյուրն ինչ-որ ձևով ցանկանում է արտահայտել իր վերաբերմունքը, դիրքորոշումը։Մնում է,որ սա հավաքական ուժ դառնա»։ Այս մասին լրագրողների հետ զրույցում ասաց Արցախի Հանրապետության մշակույթի նախարար Նարինե Աղբալյանը՝ Հայաստանում ՄԱԿ-ի գրասենյակի դիմաց կազմակերպված ակցիայի ժամանակ։
Նա հիշեցրեց, որ Արցախի բլոկադայի օրերին արցախից 60 հազար ստորագրություն էին հավաքել և դիմել ՄԱԿ-ին, Անվտանգության խորհրդին՝ Արցախի էթնիկ զտումը կանխելու համար, բայց այդ կառույցները որևէ գործնական քայլ չարեցին և չկարողացան կանխել մեծ աղետը։
«Այսօր նույն իրավիճակում է նաև Հայաստանը, կա հրատապ խնդիր՝ կապված գերիների հետ և այսօր նորից մեր ձայնն ենք բարձրացնում և ՄԱԿ-ի, ԵԽ-ի ու ՄԻԵԴ-ի՝ բոլորի ուշադրությունն ենք հրավիրում այս հրատապ խնդրի վրա, որովհետև արդեն իսկ այն ահազանգերը, որոնք հնչեցրել են Ռուբեն Վարդանյանն, իր որդին և իրենց պաշտպանական թիմը արդեն իսկ վկայում են, որ կարող է տեղի ունենալ անդառնալին և եթեթ վաղը փորձեն ինչ-որ բան անել, կարող է անիմաստ լինի։ մենք ամեն ինչ պետք է անենք որպեսզի սանձենք Ադրբեջանին և կանխենք ամենավատը, թուլ չտանք, որ այդ կեղծ դատավարությունը քաղաքական շուուն հետևանք ունենա մեր ղեկավարության կորստով»,-կոչ արեց Աղբալյանը՝ նկատելով, որ այսօր Բաքվի բանտերի ճաղերի հետևում հայ ժողվորդի պատիվն է, սա պետք է հասկանան և սրա դեմն առնել։
Նախարարի խոսքով՝ Հասարակությունը պետք է ստիպի պետական մարմիններին, որ ռազմագերիների մասով իրենց լռությունը խախտեն և չնայած նրանք հայտարարում, են թե քայլեր են անում, բայց որևէ գործնական քայլ տեսանելի չէ։
«Իրողությունն այն է, որ այսօր Բաքվում մեր գերիները մահվան ճանապարհին են»,-հայտարարեց Նարինե Աղբալյանը
