Ծախված սրիկա... հայտարարություն, որ լեգիտիմացնում է Ադրբեջանի կողմից առաջադրված շինծու մեղադրանքներն ու դատավարությունը

Արտակ Զեյնալյանն Ազգային ժողովում հայտարարել  է, թե՝ Բաքվում գտնվող հայ գերիների պահման վիճակը բարելավել է: Նրա կողմից արված այս հայտարարությունը թերևս շատերը համարում են ենթատեքստից կտրված ու աղավաղված մեջբերում, սակայն փաստը մնում է այն, որ նա տառացիորեն ասել է, թե՝

 

«Մենք հասել ենք նրան, որ գերիների վիճակն ու կենցաղային պայմաններն էականորեն բարելավվել են... եվրոպական կառույցները նպաստել են, որ մենք կարողանանք փրկել կյանքեր ու մարդկանց վերադարձնենք տուն»:

 

Հարկ է նկատել, որ Զեյնալյան Արտակն  այս հայտարարությունն արել է այն բանից հետո, երբ հրապարակվեցին սարսափելի փաստեր՝ Ռուբեն Վարդանյանի խոշտանգման  մասին, այս հայտարարությունը Զեյնալյանն արել է այն բանից հետո, երբ սոցցանցերում տարածվեցին Բակո Սահակյանի ջարդված ատամներով լուսանկարները:

Եթե իսկապես գերիների վիճակը բարելավվել է, ապա ինչպե՞ս են մեր ռազմագերիների դեմքին հայտնվում կապտուկներ, ինչո՞ւ են անզեն աչքով նկատելի դառնում խոշտանգման հետքերը.... և ի վերջո, այդ բարելավված վիճակի դե՞մ է Ռուբեն Վարդանյանը հացադուլ հայտարարում:

 

Իրականում Արտակ Զեյնալյանը կապիտուլյացիայի մեջ մեղադրվող իշխանության ջրաղացին է ջուր լցնում և, ինչպես այդ իշխանության մեջ իրեն վարչապետ հռչակած Փաշինյան Նիկոլը, նա ևս իր հայտարարություններով  լեգիտիմացնում է Ադրբեջանի կողմից առաջադրված կեղծ և շինծու մեղադրանքներն ու հակահայ դատավարությունը։