ԵՄ առաջնորդները համաձայնության են եկել Եվրոպան ռազմականացնելու ծրագրի շուրջ

Եվրամիության պետությունների և կառավարությունների ղեկավարները Բրյուսելում արտակարգ գագաթնաժողովի ժամանակ հանձնարարել են Եվրոպական հանձնաժողովին առաջարկել պաշտպանական ֆինանսավորման լրացուցիչ աղբյուրներ:

Այս մասին ասվում է առաջնորդների ամփոփիչ հայտարարության մեջ, փոխանցում է ՏԱՍՍ-ը։

Հայտարարության մեջ, մասնավորապես, ասվում է.

Եվրոպան պետք է ինքնուրույն արձագանքի անվտանգության մարտահրավերներին բոլոր կողմերից.

Եվրոպական հանձնաժողովը պետք է առաջարկի պաշտպանության ֆինանսավորման լրացուցիչ աղբյուրներ համայնքային մակարդակով.

Եվրոպան պետք է դառնա ավելի ինքնիշխան, ավելի պատասխանատու իր պաշտպանության համար, ավելի լավ պատրաստված՝ անմիջական և ապագա մարտահրավերներին ու սպառնալիքներին 360 աստիճանով գործելու և ինքնուրույն արձագանքելու համար.

Որոշում է կայացվել վերակողմնորոշել Եվրոպական ներդրումային բանկին ռազմական ծրագրերի ֆինանսավորման ուղղությամբ.

ԵՄ առաջնորդները մերժել են Եվրահանձնաժողովի առաջարկը՝ ԵՄ երկրներին մինչև 150 միլիարդ եվրոյի վարկ տրամադրել պաշտպանության համար և առաջարկում են Խորհրդին շտապ քննարկել այս առաջարկը.

Եվրոպայի վերառազմականացումը կիրականացվի ՆԱՏՕ-ի հետ համագործակցությամբ։ Այն կներառի հակաօդային պաշտպանության համակարգեր, հրետանային համակարգեր, այդ թվում՝ հեռահար ճշգրտության, հրթիռներ և զինամթերք, անօդաչու թռչող սարքեր, տիեզերական հնարավորություններ, կրիտիկական ենթակառուցվածքների պաշտպանության համակարգեր, ռազմական շարժունակության բարելավման համակարգեր, կիբեր հնարավորություններ, ռազմական արհեստական ​​ինտելեկտի համակարգեր և էլեկտրոնային պատերազմի համակարգեր: