Արցախից բռնահանված ընտանիքները լրացուցիչ սոցիալական աջակցություն կստանան
Կառավարությունը նախատեսում է Լեռնային Ղարաբաղից բռնի տեղահանված սոցիալապես անապահով ընտանիքներին տրամադրել լրացուցիչ հրատապ սոցիալական աջակցություն՝ օգնելու նրանց հաղթահարել կյանքի դժվարին իրավիճակները։ Նոր աջակցությունն ուղղված է այն ընտանիքներին, որոնք շարունակում են առերեսվել սոցիալ-տնտեսական դժվարությունների հետ և չունեն այլ պետական կամ համայնքային բնակարանային ապահովության ծրագրերից օգտվելու հնարավորություն։
Աջակցությունից կարող են օգտվել․ նրանք, ում տվյալներն առկա են ՀՀ կառավարության նախկին աջակցության ծրագրերում, տեղահանվել են 2020-2023 թվականների ռազմական գործողությունների հետևանքով, հաշվառված են ՀՀ ՆԳՆ միգրացիայի և քաղաքացիության ծառայության շտեմարանում։
Աջակցությունից չեն կարող օգտվել պետական կամ համայնքային սեփականություն հանդիսացող տարածքներում ժամանակավոր բնակվողները, պետական աջակցությամբ հյուրանոցներում կամ հյուրատներում բնակվողները, նրանք, ովքեր ՀՀ-ում ունեն 50 տոկոսից ավելի սեփականություն հանդիսացող բնակելի անշարժ գույք։
Աջակցության չափը հաշվարկվելու է ընտանիքի բռնի տեղահանված անդամների թվի հիման վրա. ընտանիքի առաջին անդամի համար՝ 40,000 դրամ ամսական, երկրորդ և ավելի անդամների համար՝ 10,000 դրամ ամսական։
Բռնի տեղահանված անձինք պետք է մինչև 2025 թվականի դեկտեմբերի 15-ը էլեկտրոնային դիմում ներկայացնեն՝ socservice.am կայքում՝ նշելով անձնական տվյալները և բանկային հաշվի տվյալները։
Տվյալները կստուգվեն ՀՀ ազգային անվտանգության ծառայության, տարածքային կառավարման և ենթակառուցվածքների նախարարության, և անշարժ գույքի պետական ռեգիստրի հետ համադրելով։
Ելնելով թափանցիկությունից և արդարությունից, աջակցությունը կտրամադրվի միայն ՀՀ-ում փաստացի բնակվող անձանց։
Նախատեսվում է աջակցություն տրամադրել 3,000 ընտանիքների (ընդհանուր՝ 11,430 շահառուների)։
Աջակցության համար կպահանջվի 1,83 մլրդ դրամ, որը կտրամադրվի ՀՀ 2025 թվականի պետական բյուջեի միջոցներից։
ՀՀ կառավարությունն արդեն իրականացրել է մի շարք ծրագրեր բռնի տեղահանվածների բնակարանային ապահովման և սոցիալական աջակցության ուղղությամբ, սակայն 2025 թվականի ապրիլից նրանց համար նախատեսված որոշ ծրագրեր դադարելու են։
Այս նոր սոցիալական աջակցության նախաձեռնությունը նպատակ ունի մեղմելու տեղահանված ընտանիքների սոցիալական ծանրաբեռնվածությունը և ապահովելու նրանց սոցիալ-տնտեսական կայունությունը մինչև երկարաժամկետ լուծումների մշակումը։
ՀՀ կառավարությունը վերահաստատում է իր հանձնառությունը աջակցելու Լեռնային Ղարաբաղից տեղահանված քաղաքացիներին և ապահովելու նրանց կյանքի որակի բարելավումը։
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
Փաշինյանը Ռուսաստան է գնալու
Քանի ես վարչապետ եմ ջախջախելու եմ․ այն քաղաքացիները, ովքեր համաձայն չեն դրան, թող փողոց դուրս գան՝ հ...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
Ավտովթար Աշտարակի Տիգրան Մեծ փողոցում․ վթարի է ենթարկվել երեխաներին էքսկուրսիա տանող ավտոբուսը (տեսա...
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
