Ձեր վարորդական իրավունքների կասեցման վերաբերյալ որոշումները կարող են ապօրինի լինել. Ռոման Երիցյան
Արցախցի փաստաբան Ռոման Երիցյանը գրում է վարորդական իրավունքները կասեցնելու մասին։
«Հարգելի’ վարորդներ, եթե ստացել եք վարորդական իրավունքը կասեցնելու վերաբերյալ հաղորդագրություն-ծանուցում (SMS), ապա իմացած եղեք, որ առանց վերջին տուգանային միավորները հանելու վերաբերյալ կայացված որոշման և այն ստանալու, Ձեր վարորդական իրավունքների կասեցման վերաբերյալ որոշումներն ապօրինի են և դատական պրակտիկայում մշտապես բեկանվող։
Այլ խոսքով՝ եթե առանց վերջին տուգանային միավորը հանելու վերաբերյալ վարչական ակտ կայացվելու կամ կայացվելու, սակայն այն չստանալու կամ կայացվելու և ստանալու, սակայն բողոքարկված լինելու պայմաններում ստանում եք ծանուցում կամ անգամ որոշում առ այն, որ Ձեր վարորդական իրավունքը կասեցված է 6 ամիս ժամկետով, ապա կասեցման որոշումն անհիմն է։
Պարզաբանեմ՝ ինչու։ Որովհետև վարչական ակտն ուժի մեջ է մտնում դրա մեկ օրինակը հասցեատիրոջը հանձնելու պահից, ուստի կասեցման որոշմանը պետք է նախորդի վերջին իրավախախտման հիմքով անձից տուգանային միավոր հանելու վերաբերյալ կայացված, ուժի մեջ մտած և չբողոքարկված վարչական ակտը։ Չէ՞ որ Դուք կարող եք բողոքարկել ու վիճարկել Ձեզնից վերջին տուգանային միավորը հանելու որոշումը, որպիսի պայմաններում դրա գործողությունը կկասեցվի, ինչպիսի պայմաններում էլ Ձեր միավորներն սպառված չեն համարվի, իսկ վարորդական իրավունքն էլ չի կասեցվի։ Այո, տրանսպորտային միջոցներ վարելու իրավունքը կասեցնելու կամ այդ իրավունքից զրկելու ձևով վարչական տույժ նշանակելու վերաբերյալ վարչական ակտի բողոքարկումը ինքնին չի կասեցնում դրա գործողությունը, սակայն ասածս վերաբերում է ոչ թե կասեցումը, այլ վերջին տուգանային միավորը հանելը բողոքարկելուն։
Անտեսելով վերոգրյալը՝ վարչական մարմինները վարորդների կողմից թույլ տրված վարչական իրավախախտում արձանագրելու կամ տեխնիկական միջոցներով, այդ թվում՝ տեսանկարահանող կամ լուսանկարահանող սարքերով հայտնաբերելու դեպքում, եթե նկատում են, որ խախտման համար տուգանային միավոր հանելու դեպքում վարորդն այլևս միավոր չի ունենա, միանգամից կայացնում են վարորդական իրավունքը կասեցնելու մասին որոշում՝ հղում կատարելով ՀՀ ՎԻՎ օրենսգրքի 129․3 հոդվածին։
Նշվածը հակասում է`«Վարչարարության հիմունքների և վարչական վարույթի մասին» ՀՀ օրենքի 60-րդ հոդվածի 1-ին կետին, համաձայն որի գրավոր վարչական ակտն ուժի մեջ է մտնում այդ ակտի ընդունման մասին` նույն օրենքի 59-րդ հոդվածով սահմանված կարգով իրազեկելուն հաջորդող օրվանից, եթե օրենքով կամ այդ ակտով այլ բան նախատեսված չէ, 74-րդ հոդվածի 1-ին մասին, համաձայն որի վարչական բողոք բերելը կասեցնում է բողոքարկվող վարչական ակտի կատարումը, 57-րդ հոդվածի 1-ին մասին, համաձայն որի գրավոր կամ գրավոր հաստատված վարչական ակտը պետք է պարունակի հիմնավորում, որում պետք է նշվեն համապատասխան որոշում ընդունելու բոլոր էական փաստական և իրավական հիմքերը»:
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
Փաշինյանը Ռուսաստան է գնալու
Քանի ես վարչապետ եմ ջախջախելու եմ․ այն քաղաքացիները, ովքեր համաձայն չեն դրան, թող փողոց դուրս գան՝ հ...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
Ավտովթար Աշտարակի Տիգրան Մեծ փողոցում․ վթարի է ենթարկվել երեխաներին էքսկուրսիա տանող ավտոբուսը (տեսա...
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
