ԴԱՀԿ պաշտոնյայի հատուկ «շնորհը»
2018 թվականից սկսած՝ ասել է թե գործող իշխանությունների օրոք հաճախակի են դարձել դեպքերը, երբ այս կամ այն պաշտոնյան նշանակվում է պաշտոնի` առանց համապատասխան մասնագիտական կրթության:
Այս առումով, հերթական պաշտոնյան, ով գրավեց մեր ուշադրությունը ՀՀ հարկադիր կատարման ծառայության Երևանի Աջափնյակ, Դավթաշեն և Արաբկիր վարչական շրջանների բաժնի պետ, արդարադատության գնդապետ Կարեն Խաչատրյանն է:
ՀԿԾ պաշտոնական կայքում նշված է, որ Խաչատրյանը 1997-2001 թթ. ուսանել է ԵՊՀ ռուսաց լեզվի և գրականության ֆակուլտետում, իսկ ավելի ուշ՝ 2002-2005 թթ.՝ Մոսկվայի Նոր իրավաբանական ինստիտուտում։
Փորձեցինք հասկանալ, թե ինչպիսի ուսումնական հաստատություն է այս ինստիտուտը, որի մասին, անկեղծ ասած` չէինք էլ լսել:
Համացանցից հայթայթած տեղեկություններից պարզ դարձավ, որ այն սկսել է գործել 1997 թվականից, իսկ Արդարադատության նախարարության իրավաբանական անձանց պետական ռեգիստրում նշված է, որ այդ կազմակերպությունը լուծարվել է 2008 թվականին։
Կարեն Խաչատրյանի կենսագրականում նշված է նաև, որ 2003-2006 թթ. աշխատել է «ԱԲԳ-Ֆեմիդա» ՍՊԸ-ում՝ որպես խորհրդատու-իրավաբան։
Ստացվում է, որ 2003 թվականին, երբ ընդամենը մեկ տարի էր, ինչ Խաչատրյանն իրավաբանական կրթություն էր ստանում, արդեն իրավաբանական խորհրդատվություն էր տրամադրում: Իսկ միգուցե այդ հարցում նրան օգնել է իր նախկին մասնագիտությունը՝ ռուսաց լեզուն և գրականությունը։
Սա էլ բավական չէ: Խաչատրյանի կենսագրությունից պարզ է դառնում, որ նա Զինված ուժեր զորակոչվել է 2001 թվականին և զորացրվել, համապատասխանաբար 2003-ին: Այսինքն` ԵՊՀ-ում ռուսաց լեզվի և գրականության ֆակուլտետն ավարտելուց հետո, գնացել է բանակ: Այդ ինչպե՞ս է ստացվել, որ բանակում գտնվող Խաչատրյանն ընդունվել է ինստիտուտ և միաժամանակ և′ սովորել, և′ ծառայել:
Ինչևէ, մենք դեռ կփորձենք Արդարադատության նախարարությունից ճշտել՝ արդյո՞ք նրա իրավաբանի դիպլոմը համապատասխանում է ընդունված նորմերին։ Սակայն ակնհայտ է մեկ բան. այս պաշտոնյան, անշուշտ, ունի որոշակի «շնորհ», ինչի արդյունքում էլ 2018 թվականից համակարգում կտրուկ կարիերային աճ է ունեցել։
Մի հետաքրքիր օրինաչափություն էլ կա Կարեն Խաչատրյանի հետ կապված. բուհը, որտեղ ուսանել է` լուծարվել է, ՍՊԸ-ն, որտեղ դեռ իրավաբանի մասնագիտություն չստացած` իրավաբանական խորհրդատվություններ է մատուցել՝ լուծարվել է, հիմա, ըստ օրինաչափության հերթը, հավանաբար, հարկադիր ծառայությանն է:
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
Փաշինյանը Ռուսաստան է գնալու
Քանի ես վարչապետ եմ ջախջախելու եմ․ այն քաղաքացիները, ովքեր համաձայն չեն դրան, թող փողոց դուրս գան՝ հ...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
Ավտովթար Աշտարակի Տիգրան Մեծ փողոցում․ վթարի է ենթարկվել երեխաներին էքսկուրսիա տանող ավտոբուսը (տեսա...
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
