ՄԱԿ-ից պահանջում ենք, որ նրա ներկայացուցիչներն այցելեն Բաքվի բանտերում պահվող մեր հայրենակիցներին. Մեսրոպ Առաքելյան
ՄԱԿ-ի գրասենյակի մոտ բողոքի ակցիայի մասնակիցները ՄԱԿ-ից պահանջում են, իրենց լիազորությունների շրջանակում, տեր կանգնել իրենց ստանձնած պարտավորություններին, այցելեն Բաքվի բանտում պահվող մեր հայրենակիցներին, նրանց առողջական վիճակի ու նրանց նկատմամաբ բռնությունների վերաբերյալ հստակ գնահատական տան, ներկա գտնվեն կեղծ դատավարությանը, քանի որ դրանց վերաբերյալ տեղեկություններ ստանում ենք միայն ադրբեջանական պետական քարոզչամեքենայի միջոցով։
Իր ելույթի ժամանակ, Ապրելու երկիր» կուսակցության համահիմնադիր, Ռուբեն Վարդանյանի գործընկեր Մեսրոպ Առաքելյանը նկատեց, որ քրդեն երկու շաբաթ է՝ հասարակության ակտիվ գործողությունների արդյունքում հասարակական-քաղաքական թիվ մեկ օրակարգը դարձել է Բաքվի բանտում գտնվող մեր հայրենակիցների ազատ արձակումը։
Նրա դիտարկմամբ, միջազգային հանրությունը կտեսնի, որ ի տարբերության իշխանությունների լռության, Հայաստանի հասարակությունը պահանջատեր է, պատասխանատու է նրանց համար, սպասում է նրանց վերադարձին։
«Հայաստանը հայ ժողովուրդն է, ոչ թե Նիկոլ Փաշինյանն ու նրա խմբակը։ Ականատես եղանք, որ միջազգային հանրությունը որոշակի քայլեր կատարեց՝ սկսկած ՄԱԿ-ի մարդու իրավունքների գլխավոր հանձնակատարի հայտարարությունից, որը պահանջում էր գերիների ազատ արձակում, ԵԽ-ում քննարկված ու ընդունված բանաձևը, որը պահանջում է գերիների ազատ արձակում, պատժամիջոցներ կիրռաել Ադրբեջանի այն պաշտոնյաների նկատմամբ, որոնք ներգրավված են այս կեղծ դատավարությանը, Ադրբեջանում գտնվող ԵՄ ներկայացուցիչներին կոչ է անում այցելել ու մասնակցել գերիների գործով դատավարությանը»,-հայտարարեց Մեսրոպ Առաքելյանը՝ ընդգծելով, որ այս ամենը հանրության ակտիվ գործողությունների արդյունք է։
