Ինքներս թշնամուն բերել մտցրել ենք մեր պետության ննջարարան, բայց աշխարհին բողոքում ենք, թե հասեք՝ թշնամին մեր ննջարանում իրեն անբարո է պահում. Հակոբյան
Ողջ այս ընթացքում մենք համառորեն փորձեցինք չտեսնելու տալ մեր իսկ ձեռքերով սեփական աչքերում մխրճաց հաստաբուն գերանը, ինչը վաղուց արդեն մամռակալվել է… Այս մասին գրել է Ռուբեն Հակոբյանը.
«Բայց շարունակ թշնամու ու դաշնակցի աչքերում փորձեցինք փնտրել ու հայտնաբերել՝ երբեմն նույնիսկ գոյություն չունեցող այդ նույն գերանից թռած տաշեղներ, որոնք ժամանակի հետ վառվել ու մոխրացել են մեր պատմության քառուղիներում։
Ողջ այս ընթացքում թշնամին անթաքույց ծաղրեց մեր պառակտվածությունն ու քաղաքական իմպոտենտությունը՝ գրոտեսկային ժանրով մատնացույց անելով մեր քաղաքական արգանդից թռած, Արցախը գլխատած ու Հայաստանը ծնկի բերած ազգակործանի գոյությունը…
Բայց, շարունակ մեզ կույր, խուլ ու համր ձեւացրեցնելով՝ դրսի ուժերի գոյությամբ փորձեցինք պայմանավորել ազգակործանի հայտնվելն ու վարչապետի աթոռին մնալու նրա անձեռնմխելիությունը։
Ողջ այս ընքացքում ռուսներին, ամերիկաներին ու եվրոպաներին փորձեցինք բացատրել, որ իրենց իսկ շահերից է բխում մեզ օգնելն ու մեր թիկունքին կանգնելը…
Բայց այդ ,,ապիկարներն,, այդպես էլ չհասկացան, չգնահատեցին ու չընդունեցին մեր բոլորափրկիչ առաջարկությունները։
Թշնամին, օգտվելով Պրահայում 22-ի հոկտեմբերի 6-ի՝ «Ղարաբաղը Ադրբեջան է» վարչապետ կոչվածի ինքնախոստովանական ցուցմունքից, միջազգային ամբիոնները ողողեց հայցադիմումներով, որ Հայաստանը 30 տարի շարունակ օկուպացիայի է ենթարկել ադրբեջանական տարածքի 20 տոկոսը…
Բայց այս ցուցմունքի պատճառով Արցախն էթնոզտելուց ու թշնամուն հանձնելուց բացի, նաեւ գալիք սերունդներին է պարտադրել թշնամուն վճարել ավելի քան 135 մլդ դոլարի փոխհատուցում (военная контрибуция), ինչը երաշխավորում է միջազգային օրենսդրությունը։
Նոյեմբերի 9-ի կապիտուլյացիան ստորագրելուց հետո թվաց, թե դրանից ավելի խայտառակ փաստաթուղթ դժվար է պատկերացնել, որ երբեւէ նորից կստորագրվի…
Բայց թշնամու կողմից պարտադրած կապիտուլիացիոն նոր փաստաթուղթը դիվանագիտական լուրջ հաղթանակ ներկայացնելով ըստ էության հայտարարեց՝ քանի դեռ ինքը է նստած վարչապետի աթոռին՝ երբեք մի ասա երբեք։
ՀՀ ԳԽ-ն Անկախության հռչակագրի ոգուն համապատասխան խմբագրեց ՀՀ Օրհներգը՝ «Մեր հայրենիք, ազատ, անկախ, Որ ապրում է դարեդար»…
Բայց գլխավոր քայլարածը ոչնչացրեց Հռչակագիրը եւ վերականգնեց Օրհներգի նախկին՝ «Մեր հայրենիք, թշուառ, անտէր, Մեր թշնամուց ոտնակոխ» տարբերակը։
Եւ, վերջապես՝ ինքներս թշնամուն բերել մտցրել ենք մեր պետության ննջարարան…
Բայց բռունցքներ թափահարելով ու հոխորտալով աշխարհին բողոքում ենք, թե հասեք՝ թշնամին մեր ննջարանում իրեն անբարո է պահում…»:
Թիմում մեծ մասը հրաժարվել է մանդատներից Նարեկ Կարապետյանի հայտարարությունից հետո. «Իրավունք»
Հայկական Վարդավառը՝ հունական Պոսեյդոնի ուղեկցությամբ. 199,5 մլն դրամ՝ տոնակատարության համար
Գումար չտաս՝ երեխայիդ «քթից կբերեն»․ ինչ է կատարվել Երևանի թիվ 134 դպրոցում. Ishkhanutyun.am
Գագիկ Ծառուկյանին 2 անգամ փոքր մահճակալի վրա են ստիպել քնել, Արեգնազ Մանուկյանին արգելում են անգամ...
Ինչո՞ւ է Արայիկ Հարությունյանը հեռանում. Փաշինյանի պատասխանը նոր հարցեր է առաջացրել. «Ժողովուրդ»
Կտրուկ վատացել է Գագիկ Ծառուկյանի մոր առողջական վիճակը․ «Հրապարակ»
Փաշինյանը որոշել է «ժերտվա տալ» մերձավորներին. «Հրապարակ»
Մոսկվայի հայ համայնքը հանդես է գալիս նախաձեռնությամբ՝ հաջակցություն Գագիկ Ծառուկյանի
Բանտում թե ազատության մեջ՝ Ծառուկյանը միևնույն է երկրում և աշխարհում շատ ավելի մեծ հարգանք է վայելել...
Ի՞նչ է նշանակում` բաժնի ղեկավարին աշխատանքից ազատել «հաստիքի կրճատման» հիմքով. ո՞ւմ եք ապուշի տեղ դն...
