ՀՀ-ում գողացել են Վրաստանից եկած ֆուտբոլի երկրպագուների մեքենաների պետհամարանիշներն ու գումար պահանջել․ եթե Արփինե Սարգսյանը չի կարողանում այս ամենը վերահսկել ու միջոցներ ձեռնարկել՝ թող հրաժարական տա

Գոհար Հայրապետյանը ֆեյսբուքյան իր էջում ահազանգել է մի շատ տհաճ ու ամոթալի երևույթի միասին, որին անմիջապես պետք է արձագանքեր ՀՀ ոստիկանությունը, բայց, չգիտես ինչու, դեռ ոչ մի տեղաշարժ։

Մինչ ՆԳ նախարար Արփինե Սարգսյանը  ոստիկանական ողջ համակարգը լծել էր Նիկոլ Փաշինյանի անվտանգությունն ապահովելու գործին, Հայաստանում անհայտ անձանց կողմից առևանգել են Վրաստանից ժամանած  ֆուտբոլի երկրպագուների մեքենաների պետհամարանիշները։ 

Վերջիններիս մոտ սահմանը հատելու հետ կապված խնդիրներ են առաջացել։

Պետհամարանիշները գողացողները կապ են հաստատել երկրպագուների հետ ու համարանիշները վերադարձնելու համար գումար են պահանջել: Այս մասին էլ իմանում ենք  Վրաստանից Հայաստան ժամանած Անժելլա Սարոյանի ֆեյսբուքյան էջից։ Նա մասնավորապես ասել է․

«Դեռ 24 ժամ չի անցել, ինչ գտնվում ենք Երևանում, կյանքում առաջին անգամ եմ նման բան իմանում, մեքենայի համարանիշներն են գողացել, թողել են տելեգրամյան ալիքի հասցե: Գրեցինք, պահանջում են գումար, որ վերադարձնեն մեր համարանիշները, առանց այդ համարանիշների չենք կարող դուրս գալ երկրիղ: Դիմեցինք ոստիկանությանը, օրենքի լուրջ խախտում չեն համարում սա: Մենք ուշանում ենք, հնարավոր է, որ ընդհանրապես չհասցնենք վերադառնալ... Այս ինչ երկիր է, այս ինչ քաղաք է. առաջին անգամ եմ նման բան լսում, որ գողանում եմ մեքենաների համարանիշներ՝ գումար պահանջելու համար, դե իհարկե, վրացական համարանիշներ են գողանում, դե հայկականին ձեռք չեն տալիս ... շատ լավ է»,-ասել է օգտատերը։

Իհարկե, այստեղ տեղին է նկատել, որ Հայաստանում ևս նման դեպքեր արձանագրվել են, ու սա ոչ թե հայ-վրաց ժողովուրդների ազգամիջյան հիմնախնդիր է, այլ ՀՀ ՆԳՆ անգործության ու համակարգի բարձիթողի վիճակի հետևանք։

Չենք կարող չնկատել, որ Արփինե Սարգսյանի պաշտոնավարման հենց սկզբից, երկրում զգալիորեն ավելացել են գողությունները, հանցագործություններն ու խուլիգանությունները։ Այս թեմային դեռևս կանդրանանք, սակայն վրացական համարանիշների դեպքը մի քիչ այլ երանգ է ստանում․ այս ամենը  ազգային արժանապատվության, երկրի հեղինակության ու ժողովրդի մասին իմիջի ձևավորման հարց է, որի լուծմանը շատ անհապաղ պետք է ձեռնամուխ լինի ոստիկանությունը և խիստ արձագանքի։

Իհարկե, եթե Արփինե Սարգսյանի փոխարեն լիներ համակարգի մեկ այլ՝ ավելի գիտակից ղեկավար, ապա անվտանգության ուժաեղացումը կկենտրոնացներ ո՛չ թե Նիկոլ Փաշինյանի վրա, այլ բուն ֆուտբոլային խաղի հետ առնչվող երևույթներին՝ հաշվարկելով հնարավոր վտանգները։ Սակայն այս ամենը գործող նախարարի մասին չէ․ նա համակարգը բարձիթողի վիաճկուկ է թողել։

Ու եթե Արփինե Սարգսյանի ուժերից վեր է ուժային կառույց ղեկավարելն ու վերահսկել այս ամենը, ապա ավելի լավ է նա իր հոժար կամքով, իր դիմումին համաձայն հրաժարական տա և համակարգը հանձնի ավելի բանիմաց ու կարող ծառայողի։

Ինչ վերաբերվում է վրացական պետհամարանիշները գողացողներին, ապա կարելի է միայն հուսալ, որ ոստիկանության աշխատակիցների ուժերից վեր չի լինի նրանց հայտնաբերելն ու համապատասխան միջոցներ կիրառելը։

Արմինե Մկրտումյան