Հայաստանի հետ խաղաղություն հնարավոր է միայն մի շարք պայմանների կատարման դեպքում. Ադրբեջանի ԱԳՆ

Ադրբեջանի ԱԳՆ-ն դատապարտել է Հայաստանի արտգործնախարար Արարատ Միրզոյանի հնչեցրած մեղադրանքները Բրազիլիայի արտգործնախարար Մաուրո Վիեյրայի հետ մամուլի ասուլիսում։

Ինչպես հայտնում են Ադրբեջանի ԱԳՆ-ն, հայկական կողմը խաղաղ համաձայնագրի ստորագրմանը խոչընդոտող խնդիրները վերացնելու փոխարեն փորձում է շահարկել կարծիք՝ Ադրբեջանին ներկայացնելով որպես խաղաղություն չցանկացող կողմ։

«Արարատ Միրզոյանի հայտարարությունը խաղաղ համաձայնագրի նախագծի վերջին տարբերակի հետ համաձայնության և բանակցություններն ավարտին հասցնելու իբր պատրաստակամության մասին, փորձ է թաքցնել, թե ինչպես է Հայաստանը երկու տարուց ավելի ձգձգում գործընթացը՝ առաջ քաշելով անընդունելի առաջարկներ։ Հենց ադրբեջանական դիվանագիտությունն է թույլ տվել տեքստը հասցնել եզրափակիչ փուլ։

Միևնույն ժամանակ, մենք մտադիր չենք աչք փակել Հայաստանի շարունակական տարածքային պահանջների վրա, որոնք ամրագրված են նրա Սահմանադրությամբ, և ԵԱՀԿ Մինսկի խմբի կառուցվածում և անցյալ հակամարտության հետ կապված այլ ինստիտուտների կառուցվածքը պահպանելու փորձերով:

Մենք կրկնում ենք՝ Հայաստանը կկարողանա խաղաղության պայմանագիր կնքել միայն առկա խոչընդոտները վերացնելուց հետո։

Ադրբեջանը կշարունակի խաղաղության հասնելու իր ջանքերը և վճռականորեն կճնշի այս գործընթացի դեմ ուղղված ցանկացած գործողություն»,- ասված է Ադրբեջանի ԱԳՆ հայտարարության մեջ։