Սիրիայում ՀՀ դեսպանը Հալեպի փոխնահանգապետին է հանձնել Հայաստանից ուղարկված մարդասիրական օգնությունը
Սիրիայում ՀՀ արտակարգ և լիազոր դեսպան Ռուբեն Խարազյանը Հալեպի Արդյունաբերական և գյուղատնտեսական արտադրանքի համալիրում Հալեպի փոխնահանգապետ Ֆաուազ Հիլալին պաշտոնապես հանձնել է ՀՀ-ից ուղարկված մարդասիրական օգնությունը։ Այս մասին հայտնել է Հալեպում գործող հայկական «Գանձասար» շաբաթաթերթը։
Հանձնման պաշտոնական արարողությանը ներկա են գտնվել նաև Հալեպում ՀՀ Գլխավոր հյուպատոս Արա Ավետիսյանը և Հալեպի նահանգապետարանի արտաքին հարաբերությունների պատասխանատու Ղասսան Ֆարուհը։
Օժանդակությունը, որը ներառում է սնունդ և դեղորայք, պետք է բաժանվի Հալեպում և Դամասկոսում։
Այս առիթով ՀՀ արտակարգ և լիազոր դեսպան Ռուբեն Խարազյանը նշել է․ «Պատմականորեն սիրիացի և հայ ժողովուրդները բարեկամական կապեր են ունեցել և փոխադարձ աջակցություն են տրամադրել։ Հուսով եմ, որ սիրիացի ժողովուրդը շուտով հաղթահարի այս մարտահրավերները, և Սիրիան կրկին կդառնա բարգավաճ երկիր»։
Իր հերթին, Հալեպի փոխնահանգապետ Ֆաուազ Հիլալն իր շնորհակալությունն ու երախագիտությունն է հայտնել Հայաստանի ժողովրդին և կառավարությանը տրամադրված մարդասիրական օգնության համար՝ ավելացնելով, որ Հայաստան-Սիրիա բարեկամական հարաբերություններն ամուր պատմական կապեր ունեն։
Ավելի վաղ ՀՀ արտաքին գործերի նախարարությունը հայտնել էր, որ Սիրիա ուղարկված մարդասիրական բեռը ներառում է սնունդ և բժշկական պարագաներ, որոնք կօգնեն մեղմել պատերազմի և ճգնաժամի հետևանքները բարեկամ սիրիացի ժողովրդի համար:
Մարդասիրական օգնությունը Սիրիա ուղարկելու համար ժամանակավորապես բացվել է հայ-թուրքական սահմանի «Մարգարա» անցակետը։ Հայաստանի ԱԳՆ-ն համագործակցության համար շնորհակալություն էր հայտնել թուրքական կողմին։
Ադրբեջանի զորամասերում Սյունիքն ու Վայոց ձորը՝ ամբողջությամբ, Գեղարքունիքն ու Տավուշը՝ մասամբ, ներկա...
Փաշինյանը Ռուսաստան է գնալու
Քանի ես վարչապետ եմ ջախջախելու եմ․ այն քաղաքացիները, ովքեր համաձայն չեն դրան, թող փողոց դուրս գան՝ հ...
«Իրավունք». «Թող ջանները յուղեն». Հուլիսի սկզբին սպասվում են նոր աղմկահարույց ձերբակալություններ. Ով...
Պրովոկատորնե՛ր, հանգիստ թողեք ինձ, ես ուզում եմ մանդատ վերցնել ու Նիկոլի անձնական օգտագործման գործիք...
Ավտովթար Աշտարակի Տիգրան Մեծ փողոցում․ վթարի է ենթարկվել երեխաներին էքսկուրսիա տանող ավտոբուսը (տեսա...
Փաշինյանին հեռացնելու համար հետընտրական կոալիցիա է ձեւավորվում. «Հրապարակ»
«Իրավունք». Հայտնի է՝ ինչ պաշտոն կստանա Վահագն Խաչատուրյանը նոր Կառավարությունում
«Արի ստե արա»․ ինչպես են քաղաքապետարանում իրար գետնին տապալում (տեսանյութ)
Եթե Վահագն Հովակիմյանը Փաշինյանի մարդն է, ապա Նունե Հովհաննիսյանը, ես կարծում էի, պետության մարդն էր...
