Դուք նույնպես հանցակից եք «ԳՈՅ» թատրոնի ոչնչացման գործընթացին. Սարգիս Արզումանյանի բաց նամակը՝ ԿԳՄՍ նախարարին
«Գոյ թատրոնի» կառավարման խորհրդի նախագահ, ռեժիսոր Սարգիս Արզումանյանը բաց նամակով դիմել է ԿԳՄՍ նախարար Ժաննա Անդրեասյանին.
«Հարգելի՛ տիկին Անդրեասյան,
Ես դիմում եմ Ձեզ՝ որպես ՀՀ ԿԳՄՍ նախարարության ղեկավարի, քանի որ Ձեր ենթակայության տակ գտնվող պետական ոչ առևտրային կազմակերպության (ՊՈԱԿ) ղեկավար Վարդան Մկրտչյանի գործողություններն անցել են ոչ միայն բարոյականության, այլև օրենքի սահմանները։
Մարտի 24-ին լրացավ մեկ տարին, ինչ ապօրինի կերպով փակվել է «ԳՈՅ» թատրոնը, իսկ այս ընթացքում մենք ականատես ենք եղել մշակութային հաստատության համակարգված ոչնչացմանը։
Վերջին և հատկապես վտանգավոր քայլն իրականացվեց օրեր առաջ․ Սունդուկյան թատրոնի ղեկավարությունը ապամոնտաժել է «ԳՈՅ» թատրոնի հանդիսատեսի համար նախատեսված նստատեղերը։
Այդ գործողությունը ակնհայտորեն արվել է՝
Թատրոնը որպես մշակութային կենտրոն վերացնելու նպատակով, «ԳՈՅ» թատրոնի ժառանգությունը վերջնականապես ջնջելու մտադրությամբ, մեր պայքարը բարոյապես ու ֆիզիկապես ճնշելու հաշվարկով։
Մամուլում արդեն շրջանառվում է Վարդան Մկրտչյանի արձագանքը, որտեղ նա հերքում է իր մասնակցությունը նստատեղերի հեռացման հարցում և հայտարարում, որ «ԳՈՅ» թատրոնը գոյություն չունի։
Եթե նա կապ չունի, ապա ո՞վ է տվել այդ հրահանգը։
Եթե «ԳՈՅ» թատրոնը գոյություն չունի, ապա ինչո՞ւ են այդքան հետևողականորեն ջնջում նրա պատմության հետքերը։
Սա արդեն ոչ միայն Սունդուկյան թատրոնի, այլև Ձեր նախարարության պատասխանատվության շրջանակում է, քանի որ ՊՈԱԿ-ը գործում է ԿԳՄՍ նախարարության վերահսկողության ներքո։
ԳՈՐԾԸ ԴԱՏԱՐԱՆՈՒՄ Է․ ՈՉ ՈՔ ԻՐԱՎՈՒՆՔ ՉՈՒՆԻ ԿԱՆԽԱԿԱԼ ՎԵՐԱԲԵՐՄՈՒՆՔՈՎ ԵՎ ԳՈՐԾՈՂՈՒԹՅԱՄԲ ՈՉՆՉԱՑՆԵԼ ԹԱՏՐՈՆԸ
Նշեմ, որ «ԳՈՅ» թատրոնի գործը դեռ գտնվում է դատարանում, և այն իրավականորեն վերջնական լուծում չի ստացել։
Սա նշանակում է, որ Սունդուկյան թատրոնի ցանկացած գործողություն, որն ուղղված է «ԳՈՅ» թատրոնի վերացմանը, օրենքի կոպիտ խախտում է, քանի որ դեռևս չկա դատական վերջնական վճիռ։
Եթե ԿԳՄՍ նախարարությունը չի վերահսկում իր ենթակայության տակ գտնվող կառույցները, ապա Դուք անմիջական պատասխանատվություն եք կրում այս ապօրինությունների համար։
- Պահանջում եմ, որ ԿԳՄՍ նախարարությունը անհապաղ արձագանքի և խստագույնս կարգի հրավիրի Վարդան Մկրտչյանին, որպեսզի նա դադարեցնի թատրոնի վերացմանն ուղղված քայլերը։
- Պահանջում եմ, որ նախարարությունը հստակ պատասխանի՝ տեղյակ է արդյոք Վարդան Մկրտչյանի կատարած քայլերից, և եթե այո, ապա ինչու՞ չի միջամտել։
- Եթե ԿԳՄՍ նախարարությունը որևէ քայլ չի ձեռնարկում, ապա սա նշանակում է, որ Դուք նույնպես հանցակից եք «ԳՈՅ» թատրոնի ոչնչացման գործընթացին։
Այս ամենի համար ամբողջական քաղաքական և իրավական պատասխանատվությունն ընկնում է ոչ միայն Վարդան Մկրտչյանի, այլև Ձեր՝ որպես ոլորտի ղեկավարի վրա։
Եթե որևէ կերպ չկանխեք այս ապօրինությունները, ապա ընդունեք, որ մշակույթի հանդեպ հանցագործությունն իրականացվում է նաև Ձեր լուռ համաձայնությամբ։
Սպասում եմ Ձեր անհապաղ արձագանքին և կոնկրետ քայլերին»։
Գագիկ Ծառուկյանին 2 անգամ փոքր մահճակալի վրա են ստիպել քնել, Արեգնազ Մանուկյանին արգելում են անգամ...
Ստեփանավանի քաղաքապետը տունը կառուցելուց հետո հյուրանոց է սարքում. «Ժողովուրդ»
Փաշինյանը որոշել է «ժերտվա տալ» մերձավորներին. «Հրապարակ»
Գագիկ Ծառուկյանը հայտարարություն է տարածել
Շահումյանցի Ժիրոն ու նրա «կլանը»՝ կրկին մեղադրյալի աթոռին. «Հրապարակ»
Դավթաշենում շենքի բակում հայտնաբերվել է 16-ամյա աղջկա մարմին
Պաշտոնանկություններ ՀՀ էկոնոմիկայի նախարարությունում. ArmLur.am
Ներիշխանական խմորումներ. ում են «քցել» և ում են դեռ «քցելու» ՔՊ-ականները՝ Փաշինյանի հրահանգով. «Հրապ...
Լարված իրավիճակ նիստին. Սուտ չեմ խոսում, տղամարդավարի խոսք տվեցիք, ձեր խոսքին տեր չկանգնեցիք
Քաղցրաշենում մահացածը Տաթև Ֆախուրյանն է, ով ակտիվ զբաղվում էր ֆուտբոլով
