Իրանի տարածքում ողջ հրթիռները բերված են մարտական վիճակի՝ ԱՄՆ-ին հարվածելու համար. Tehran Times

Իրանի ողջ տարածքում հրթիռները բեռնված են արձակման կայանների մեջ և պատրաստ են արձակվել ԱՄՆ-ի հետ էսկալացիայի դեպքում: Այս մասին մարտի 31-ին գրել է Tehran Times-ը:

Հրապարակումն ընդգծում է, որ եթե հակամարտությունը սրվի, ԱՄՆ կառավարությունը և նրա դաշնակիցները կբախվեն լուրջ հետևանքների, որոնք համեմատելի են «Պանդորայի արկղը բացելու» հետ: Ավելի վաղ Telegraph-ը, հղում անելով իրանական ռազմական շրջանակներում անանուն բարձրաստիճան աղբյուրին, հայտնել էր, որ Թեհրանը պատրաստ է հարվածել Հնդկական օվկիանոսում գտնվող Դիեգո Գարսիայի ամերիկյան բազային՝ ԱՄՆ-ի հարձակման դեպքում:

Ավելի վաղ Թրամփը NBC News-ին տված հարցազրույցում զգուշացրել էր հնարավոր «աննախադեպ ռմբակոծության» մասին, եթե կողմերը համաձայնության չգան։ Ի պատասխան՝ Իրանի նախագահ Մասուդ Պեզեշկյանն ասել էր, որ Թեհրանը հրաժարվել է միջուկային ծրագրի շուրջ Թրամփի ուղիղ բանակցություններից՝ թողնելով միայն երրորդ երկրների միջնորդությամբ երկխոսության հնարավորությունը։

Հունվարի 20-ին Թրամփի Սպիտակ տուն վերադառնալուց հետո ԱՄՆ-ը պատժամիջոցների չորս փուլ է կիրառել իրանական նավթի մատակարարումների դեմ։