Հակակոռուպցիոնը ուսումնասիրում է Վահե Ղազարյանի նվեր ստացած տները

NEWSPRESS.am-ը մի շարք հրապարակումներ է արել՝ կապված ՆԳ նախկին նախարար Վահե Ղազարյանի անշարժ գույքի ձեռք բերման հետ։  

Մեր հարցմանն ի պատասխան, ՀՀ դատախազությունից արձագանքել են, որ հիշյալ հրապարակումներն ուղարկել են ՀՀ հակակոռուպցիոն կոմիտե՝ դրանցում նշված հանգամանքները «Օպերատիվ հետազոտական գործունեության» մասին ՀՀ օրենքով սահմանված կարգով Օպերատիվ-հետազոտական միջոցառումների իրականացման միջոցով ստուգելու նպատակով։

Հակակոռուպցիոն կոմիտեի մամուլի խոսնակ Մարինա Օհանջանյանն էլ, մեզ հետ զրույցում, տեղեկացրեց, որ  գործը օպերատիվ ստուգողական փուլում է։

«Այս պահին գործով վարույթ չկա, սակայն օպերատիվ ստուգողական փուլում է»,-ասաց Հակակոռուպցիոն կոմիտեի մամուլի խոսնակը։

Այլ կերպ ասած, Հակակոռուպցիոնն ուսումնասիրում է Վահե Ղազարյանի նվեր ստացած տների մասին տեղեկությունը։

Վահե Ղազարյանի անշարժ գույքի ձեռք բերման հետ կապված՝ կարդացեք 

Վահե Ղազարյանը մեծահարուստ նախկին պաշտոնյաներից թանկարժեք նվերներ է ստացել` հատկապես անշարժ գույքի տեսքով. հասցրել են Փաշինյանին. մանրամասներ` նրա պաշտոնանկությունից

Վահե Ղազարյանը հասցրել է անշարժ գույք ձեռք բերել նաև Ռուսաստանու՞մ. նրա կենսագրության բազմաթիվ ամոթները

3 անշարժ գույք` պաշտոնեական լիազորությունները չարաշահելու համար. ումից և ինչ «լավությունների» դիմաց է Վահե Ղազարյանը տներ նվեր ստացել․