ԱԺ պատգամավոր Մհեր Սահակյանը ավտովթարի օրը թմրանյութ կամ ալկոհոլ օգտագործած չի եղել

 «Փաստինֆո»-ն գրում է.

ԱԺ պատգամավոր Մհեր Սահակյանը ողբերգական ավտովթարի օրը ալկոհոլ կամ թմրանյութ օգտագործած չի եղել։ Սա փաստվում է նաև քրեական գործի քննության արդյունքներով։

Հիշեցնենք, որ ամիսներ առաջ ողբերգական ավտովթարի հետևանքով մահացել է ԱԺ «Հայաստան» խմբակցության պատգամավոր Մհեր Սահակյանը, որն ընդամենը 36 տարեկան էր, ուներ չորս երեխա։ ՆԳՆ-ն հայտնել էր, որ հունվարի 13-ին՝ ժ․16․41-ի սահմաններում ՆԳՆ ՓԾ 911 ծառայություն է զանգահարել մի քաղաքացի և հայտնել, որ Երևան-Մեղրի ճանապարհի 90-րդ կմ հատվածում՝ ձորում նկատել է շրջված վիճակում գտնվող ընկերոջ «Հոնդա» մեքենան։ Դեպքի վայր են մեկնել ՆԳՆ ոստիկանության և փրկարար ծառայության աշխատակիցներ։ 

«Շամշյան»-ը գրել էր, որ մեքենան գլորվել է մոտ 350-400 մ, իսկ Սահակյանին փնտրում էին նախօրեից՝ հունվարի 12-ից։ Դեպքի առթիվ նախաձեռնվել է քրեական վարույթ  ՀՀ քրեական օրենսգրքի 342-րդ հոդվածի 2-րդ մասի (Ավտոմեքենա կամ մեխանիկական այլ տրանսպորտային միջոց վարող անձի կողմից ճանապարհային երթևեկության անվտանգության ապահովմանն ուղղված պահանջ կամ ճանապարհային երթևեկության կամ տրանսպորտային միջոցների շահագործման անվտանգությունն ապահովող կանոն խախտելը, որն առաջացրել է մարդու մահ) հատկանիշներով։ Նախաքննության ընթացքում նշանակվել են եղել մի շարք փորձաքննություններ, այդ թվում՝ դիակի դատաբժշկական և այլն։

Նյութն ամբողջությամբ՝ սկզբնաղբյուր կայքում