ՊՆ-ն փորձել է համոզել, թե՝ իբր Աննա Վարդապետյանի առջև զինվորների խոնարհվելու վերաբերյալ պնդումները կեղծիք են, բայց տարածած տեսանյութով հակառակն է ստացվել

Պաշտպանության նախարարությունը հաղորդագրություն է տարածել այն տեսանյութի մասին, որտեղ Վազգեն Սարգսյանի անվան կրթահամալիրի սաները ողջունելիս խոնարհվում են ՀՀ Գլխավոր դատախազ Աննա Վարդապետյանի առաջ։

ՀՀ ՊՆ-ն մասնավորապես նշել է․

«Սոցիալական ցանցերի որոշ օգտատերեր երեկ և այսօր մանիպուլյատիվ մեկնաբանություններ են անում ՀՀ գլխավոր դատախազ Աննա Վարդապետյանի՝ ապրիլի 8-ին ՊՆ Վազգեն Սարգսյանի անվան ռազմական ակադեմիայում անցկացրած վարպետաց դասի վերաբերյալ հրապարակված տեսանյութի շուրջ, այս մասին հաղորդագրություն է տարածել ՀՀ ՊՆ-ն։

Այդօրինակ գրառումները շարունակվում են նաև դատախազության պարզաբանումից հետո:

ՀՀ գլխավոր դատախազի և ակադեմիայի պետի՝ դահլիճ մուտքից անմիջապես հետո ակադեմիայի պետը կանգնած զինանձնակազմին տվել է «Ազա՛տ, նստե՛լ» հրահանգը: 

Նշված հրահանգից հետո, երբ զինանձնակազմը նստելիս է եղել, գլխավոր դատախազը ողջունել է կուրսանտներին, վերջիններս ուղղվել են, ողջունել հանրապետության գլխավոր դատախազին և հետո զբաղեցրել իրենց տեղերը:

Զինծառայողների՝ իբր խոնարհվելու վերաբերյալ դատողություններն ու պնդումներն առնվազն կեղծիք են:

Կից ներկայացնում ենք վերոշարադրյալը փաստող տեսանյութը (որի սկզբնական հատվածը մինչ այս չի հրապարակվել) և կոչ անում կուրսանտների՝ ՀՀ բանակի ապագա սպաների շուրջ անհեթեթություններ չհյուսել»։