«Գեղի Opel-ներով համբալներ» արտահայտության համար Տիգրան Ավինյանի հոր դեմ դատական առաջին նիստը կայացել է. նրա կողմից ոչ ոք ներկա չի եղել (տեսանյութ)

Այսօր Երևանի առաջին ատյանի քաղաքացիական դատարանում կայացել է Երևանի ավագանու «Մայր Հայաստան» խմբակցության անդամ  Գրիգոր Իսկանդարյանի ներկայացրած հայցի առաջին նիստը:

«2024 թվականի դեկտեմբերի 26-ին Տիգրան Ավինյանի հայրը լրագրողի հարցին ի պատասխան հնչեցրել էր վիրավորական արտահայտություն «Օպել»-ների վարորդների նկատմամբ՝ մասնավորապես անվանելով նրանց «համբալ»: Ասել էր` այդ համբալները չգան ու չկանգնեն իրենց գեղի «Օպել»-ներով: Ես դատական հայց էի ներկայացրել Տիգրան Ավինյանի հոր դեմ, քանի որ ինքս էլ ունեմ «Օպել» մակնիշի մեքենա, Դատական առաջին նիստը նշանակվել էր այսօր. այն կայացավ: Հաջորդ դատական նիստը նշանակվել է մայսիսի 29-ին ժամը 3-ին»,- ասաց Իսկանդարյանը:

Նա նշեց, որ դատական նիստին Տիգրան Ավինյանի հոր կողմից ոչ ոք ներկա չի եղել, իսկ նիստը նորմալ ընթացք է ունեցել:

«Նիստի ընթացքում քննարկվեցին այն ապացույցները, որոնք մենք ներկայացրել ենք.մասնավորապես այն տեսահոլովակը, որտեղ նա այդպիսի արտահայտություն է անում: Առաջին նախնական դատը կայացավ, հիմա սպասում ենք ամյիսի 29-ին, որպեսզի հասկանանք, թե հաջորդիվ ինճչ է կատարվելու»,- ասաց Իսկանդարյանը: