Հայաստանի արտաքին առևտրաշրջանառությունը նվազել է

Հայաստանի արտաքին առևտրաշրջանառությունը 2025 թվականի առաջին եռամսյակում 54.2 տոկոսով ցածր է եղել նախորդ տարվա նույն ժամանակահատվածի ցուցանիշից՝ կազմելով 4 մլրդ 480.1 մլն դոլար: Այս մասին նշված է ՀՀ վիճակագրական կոմիտեի հրապարակած ամփոփագրում:

Մարտին՝ փետրվարի համեմատ, գրանցվել է 21.4 տոկոսի աճ: Սակայն, 2024-ի մարտի համեմատ արտաքին առևտրաշրջանառության ծավալը ցածր է եղել 31.8 տոկոսով՝ կազմելով 1 մլրդ 674.8 մլն դոլար:

Փետրվարին՝ հունվարի համեմատ, ծավալը նվազել է 3.2, իսկ նախորդ տարվա փետրվարի համեմատ՝ 60.7 տոկոսով, և կազմել է 1 մլրդ 379.8 մլն դոլար:

Հունվարին՝ դեկտեմբերի համեմատ, առևտրաշրջանառությունը նվազել է 24.5, իսկ նախորդ տարվա հունվարի համեմատ՝ 37.9 տոկոսով: Հունվարին այն կազմել է 1 մլրդ 425.5 մլն դոլար:

Արտահանումն առաջին եռամսյակում 61.8 տոկոսով ցածր է եղել նախորդ տարվա նույն ժամանակահատվածի ցուցանիշից՝ կազմելով 1 մլրդ 699.8 մլն դոլար:

Մարտին մեկամսյա կտրվածքով աճել է 20.2 տոկոսով, սակայն 65.4 տոկոսով ցածր է եղել 2024-ի մարտի ցուցանիշից՝ կազմելով 643.5 մլն դոլար:

Փետրվարին՝ հունվարի համեմատ աճել է 2.8 տոկոսով, սակայն 67.3 տոկոսով ցածր է եղել մեկամյա վաղեմության ցուցանիշից՝ կազմելով 535.4 մլն դոլար:

Հունվարին՝ դեկտեմբերի համեմատ ցածր է եղել 31.2, իսկ նախորդ տարվա հունվարի համեմատ՝ 45.2 տոկոսով՝ կազմելով 520.9 մլն դոլար:

Ներմուծումն առաջին եռամսյակում 47.9 տոկոսով ցածր է եղել նախորդ տարվա նույն ժամանակահատվածի ցուցանիշից՝ կազմելով 2 մլրդ 780.3 մլն դոլար:

Մարտին՝ փետրվարի համեմատ, աճել է 22.1 տոկոսով, իսկ նախորդ տարվա մարտի համեմատ նվազել է 51.2 տոկոսով՝ կազմելով 1 մլրդ 31.3 մլն դոլար:

Փետրվարին՝ հունվարի համեմատ ներմուծման ծավալը կրճատվել է 6.7, իսկ նախորդ տարվա փետրվարի համեմատ՝ 55 տոկոսով և կազմել է 844.4 մլն դոլար:

Հունվարին՝ դեկտեմբերի համեմատ, ներմուծման ծավալը կրճատվել է 20.1, իսկ նախորդ տարվա հունվարի համեմատ՝ 32.8 տոկոսով՝ կազմելով 904.6 մլն դոլար: